قازاقستان ەۋرازييالىق ينتەگراتسييانىڭ ٸسكەرلٸك نەگٸزدە بولۋىن قولدايدى. قر پرەزيدەنتٸ قاسىم-جومارت توقاەۆ ەۋرازييالىق ەكونوميكالىق كوميسسييا فورۋمىنىڭ جالپى وتىرىسىندا وسىنداي ۇستانىم بٸلدٸردٸ, دەپ حابارلايدى قازاقپارات.
«ەۋرازييالىق ەكونوميكالىق كوميسسييا, مەنٸڭشە, ايتارلىقتاي تيٸمدٸ جۇمىس ٸستەپ تۇر. بٸراق مەسەلە باسقادا جەنە ول پٸكٸرتالاسقا تۇرارلىق. ەۋرازييالىق ەكونوميكالىق كوميسسيياعا قوسىمشا ٶكٸلەتتٸكتەر ارتۋدىڭ قاجەتٸ بار ما? بٸز قازاقستاندا بۇل مەسەلە بويىنشا العا جٷگٸرمەي, بٸرتٸندەپ جۇمىس ٸستەۋ كەرەك دەگەن ۇستانىمدى قولدايمىز. تٷپتٸڭ تٷبٸندە ەۋرازييالىق ەكونوميكالىق كوميسسييا - ٷكٸمەت ەمەس. بۇل – 2015 جىلى قول قويىلعان تيٸستٸ جارعىمەن ٶكٸلەتتٸكتەرٸ بەلگٸلەنگەن اتقارۋشى ورگان», - دەدٸ پرەزيدەنت ەۋرازييالىق ەكونوميكالىق كوميسسييا فورۋمىنىڭ جالپى وتىرىسىندا.
مەملەكەت باسشىسى ينتەگراتسييا كەزٸندە تۋىندايتىن كەيبٸر مەسەلەلەردٸ دراماعا اينالدىرۋدىڭ قاجەتٸ جوق ەكەنٸنە دە توقتالدى.
«مەنٸڭشە, ينتەگراتسييا ٷدەرٸسٸ كەزٸندە تۋىندايتىن قانداي دا بٸر قيىندىقتاردى دراماعا اينالدىرۋدىڭ قاجەتٸ جوق. بۇل - قالىپتى پروتسەسس. قازاقستانعا كەلسەك, ٸسكەرلٸك نەگٸزدەگٸ ەۋرازييالىق ينتەگراتسييانى قولداۋدى جالعاستىرىپ, ٷزەڭگٸلەس بولامىز. ەرينە, وداقتاعى بٷكٸل ەلمەن پراگماتيكالىق نەگٸزدە جۇمىس ٸستەي بەرەمٸز», - دەدٸ قاسىم-جومارت توقاەۆ.
