Elimizde 1 sáýirden bastap taksi júrgizýshileri jolaýshylarǵa túbirtek berýge mindettelip otyr, dep habarlaidy QR normativtik quqyqtyq aktileriniń aqparattyq-quqyqtyq júiesiniń portaly.
Atap aitqanda, «Salyq tóleýshiler Qazaqstan Respýblikasynyń aýmaǵynda qyzmetin júzege asyrǵanda aqshalai esep aiyrysýlar kezinde derekterdi tirkeý jáne (nemese) berý fýnktsiiasy bar baqylaý-kassa mashinalaryn qoldanatyn qyzmet túrlerin bekitý týraly» qarjy ministriniń 2018 jylǵy 16 aqpandaǵy №206 buiryǵyna ózgerister men tolyqtyrýlar engizilgen.
Ózgerister 1 sáýirden, iaǵni búginnen bastap kúshine enedi.
Oǵan sáikes, salyq tóleýshiler óz qyzmetin júzege asyrǵanda aqshalai esep aiyrysýlar kezinde derekterdi tirkeý jáne (nemese) berý fýnktsiiasy bar baqylaý-kassa mashinalaryn qoldanatyn qyzmet túrleriniń tizimi 323-ke jetip otyr.
Taksi júrgizýshilerimen birge túbirtek berýge shashtaraz jáne sulýlyq salonynyń qyzmetkerleri, lombardtar men qonaqúiler, qumar jáne bás tigý oiyndaryn uiymdastyrýshylar, sondai-aq sylaq jumystaryn oryndaýshylar, aýdio jáne beinetehnikalardyń, turmystyq elektr aspaptarynyń bólshek saýdasymen ainalysýshylar mindettelgen.
Túbirtek berýge mindettelip otyrǵan qyzmet túrleriniń tolyq tizimin myna jerden kórýge bolady.
