Búginnen bastap Qostanai oblysynyń barlyq óńirinde karantindik rejim engizildi. Bul týraly buǵan deiingi málimdemesinde óńir basshysy Arhimed Muhanbetov aitqan bolatyn, - dep jazady Baq.kz.
Densaýlyq saqtaý salasynyń mamandaryn tyńdai kele, 17 sáýir kúni saǵat 00.00-den bastap 1-shi mamyr saǵat 07.00-ge deiin oblys aýmaǵynda karantin engizý týraly sheshim qabyldandy. Bul, halyqty koronavirýstyq infektsiiadan qorǵaý úshin májbúrli shara ekenin atap ótkim keledi. Mundai tájiribe, Qazaqstannyń basqa oblystarynda qoldanylýda. Eń aldymen, karantin rejimi bizge barlyq bailanystarǵa shekteý qoiýǵa jáne qaýipti virýstyń taralýyna jol bermeýge múmkindik beredi - degen bolatyn oblys ákimi.
Alaida, oblys aýmaǵynda engizilgen karantin rejimi óńirdegi eginshilik naýqanyna kedergi keltirmeidi.
Aýyl sharýashylyǵy taýaryn óndirýshilerge, bizdiń seriktesterge, sharýashylyq qurylymdaryna tiisti dala jumystaryn búgin alańsyz ótkizýge tolyq múmkindik bar. Blok-postardan kedergisiz ótý máselesi búgingi tańda qaralyp, tapsyrma berildi. Jumys atqarylyp jatyr. Ishki ister departamentimen birlesip, janar-jaǵarmai, qosalqy bólshekterdi tasymaldaý jáne aldyrtý, ony jetkizý máselesi boiynsha. Ne bolmasa basqa oblystarmen bailanysqan jaǵdaida, osy dán sebý jumystaryna qatysty adamdardyń kelip-ketýi, oblys aralyǵynda júrip-turýy barlyǵy tolyǵymen sheshildi - deidi oblystyq aýyl sharýashylyǵy basqarmasynyń basshysy Jansultan Taýkenov.
Biylǵy kóktemgi egiste diqandar 5 million gektardan astam alqapqa dándi-daqyldar sebýdi josparlap otyr. Ótken jylǵy qurǵaqshylyq astyq shyǵymy men sapasyna keri áser etken bolatyn. Biyl sol olqylyqtyń ornyn toltyrýǵa múmkindik bar. Egistik alqaptaryn ártaraptandyrý jumysy jalǵasyn tabady. Biyl maily daqyldardyń kólemi 700 myń gektarǵa jetkizilmek. Onyń ishinde tabysy mol kúnbaǵys, raps, zyǵyr aýmaǵy birshama ulǵaitylady. Negizinen bul daqyldar soltústik aýdandarda egiledi. Al oblystyń ońtústik bóliginde mal azyǵyna qajetti ósimdikterge basymdyq beriledi.
Jalpy kóktemgi dala jumystaryna jeńildikpen 71 myń tonna janar mai bólinip otyr. Ádette, kóktemgi dala jumystary mamyr aiynyń ortasynan bastalyp ai sońyna deiin jalǵasady.
