Foto: NUR.KZ / Vladimir Tretiakov
Eldegi terroristik aktiler saldarynan adamdardyń qazaǵa ushyraýyna bailanysty 10 qańtar jalpyulttyq aza tutý kúni dep jariialandy, dep habarlaidy KAZ.NUR.KZ.
"Qazaqstan Respýblikasynda jasalǵan terroristik aktilerdiń saldarynan adamdardyń qaza bolýyna bailanysty Qazaqstan Respýblikasynda 2022 jylǵy 10 qańtarda jalpyulttyq aza tutý jariialansyn", - delingen Prezident Qasym-Jomart Toqaevtyń 8 qańtar kúni jariia etken ókiminde.
Densaýlyq saqtaý ministrliginiń 9 qańtar kúni jariia etken resmi málimetterine sáikes, Qazaqstanda oryn alǵan tártipsizdikter kezinde 164 adam qaitys bolǵan.
Jappai tártipsizdik saldarynan:
Almatyda 103 adam (onyń ishinde ekeýi bala);
Qyzylorda oblysynda 21 adam;
Jambyl oblysynda 10 adam;
Almaty oblysynda 8 adam qaza tapty.
Sondai-aq, 9 qańtar kúni Prezident Qasym-Jomart Toqaev áskeri jáne qyzmettik boryshyn atqarý kezinde qaza bolǵan azamattardy nagradtady.
