Búgin – Qazaqstan Respýblikasynyń Tuńǵysh Prezidenti kúni, dep habarlaidy QazAqparat agenttigi.
Aitýly data osydan 10 jyl buryn, naqty aitsaq, 2011 jyldyń 10 jeltoqsanynda QR Parlamenti Senaty depýtattarynyń bastamasymen bekitilgen bolatyn. «Qazaqstan Respýblikasyndaǵy merekeler týraly» QR Zańyna tolyqtyrý engizilip, 1 jeltoqsan Qazaqstan Respýblikasynyń Tuńǵysh Prezidenti kúni dep belgilendi.
1991 jyldyń 1 jeltoqsanynda Nursultan Nazarbaev Táýelsiz qazaq eliniń tuńǵysh Prezidenti retinde qyzmetke kiristi. Atalmysh merekeniń 1 jeltoqsan saiyn toilanýynda osyndai mán bar.
KSRO ydyraǵan tusta táýelsizdigin jariialaǵan Qazaqstannyń tuńǵysh Prezidenti bolǵany eskerilip, sol tusta qolǵa alynyp, júzege asqan túrli bastamalar men reformalar, memleket qurý jolynda jasalaýy tiis standartty sharalardyń bári Elbasy esimimen birge atalyp júr.
Araǵa ǵasyrlar salyp, memlekettiligin qaitarǵan qazaq eliniń alǵashqy basshysy bolǵanyna orai, tuńǵysh Prezident erekshe quqyqqa ie tulǵa bolyp sanalady. Onyń táýelsizdiktiń eleń-alań shaǵynda atqarǵan qyzmeti zańnamalyq turǵydan joǵary baǵasyn alǵan. «Tuńǵysh Prezident», «Elbasy», «Ult kóshbasshysy» degen resmi mártebeleri bar.
Nursultan Nazarbaevtyń Qazaqstan tarihyndaǵy orny týraly qalam terbeitin keibir tarihshylar men saiasattanýshylar eldegi eń súiekti jobalar men eleýli tarihi oqiǵalardyń báriniń bastaýynda Elbasy turǵanyn jazyp júr. Atap aitsaq, QR Qarýly kúshteriniń qurylýy, shekaranyń delimitatsiiasy men demarkatsiiasy, ulttyq valiýta – teńgeniń ainalymǵa shyǵýy, el astanasynyń Almatydan Aqmolaǵa aýystyrylýy, Semei iadrolyq synaq poligonynyń jabylýy, ulttyq altyn-valiýta qorynyń qurylýy, Konstitýtsiianyń birneshe ret jetildirilýi, Eýraziialyq jeonomikalyq odaqtyń qurylýy jáne oǵan Qazaqstannyń múshe retinde kirýi siiaqty oqiǵalardy Elbasynyń eńbegi retinde baǵalaý úrdisi bar.
Qazaqstannyń damý baǵytyn aiqyndap otyrǵan «Qazaqstan-2050» strategiiasy da Elbasynyń bastamasymen qabyldanǵan.
2019 jyldyń 19 naýryzynda Nursultan Nazarbaev óziniń Prezidenttik ókiletin qazirgi Prezident Qasym-Jomart Toqaevqa tabystady. Osy oqiǵanyń aiasynda Astananyń ataýy Tuńǵysh Prezidenttiń atyna Nur-Sultan bolyp aýystyryldy.
