Ekibastuz qalasyndaǵy apatty joiý jónindegi jedel shtab 6 jeltoqsandaǵy jaǵdai boiynsha atqarylǵan jumystar jóninde málimet usyndy, dep habarlaidy QazAqparat.
Qazigri ýaqytta Ekibastuzdyń 6, 5a jáne 5b shaǵynaýdandarynda jylý jelileri qatyp qalǵan úilerge jylý berýdi qalpyna keltirý jumystary jalǵasyp jatyr.
Apatty joiý jónindegi shtab basshysy – QR Premer-Ministriniń birinshi orynbasary Roman Skliardyń habarlaýynsha, 6 jeltoqsan kúni saǵat 08.00-degi jaǵdai boiynsha kireberisterdi jylýǵa qosý jumystary 4 úide júrgizilýde. Bul jumystardy búgin aiaqtaý josparlanǵan. Zardap shekken nysandarǵa bekitilgen kásiporyndar táýlik boiy injenerlik kommýnikatsiialardy qalpyna keltirý jumystarymen ainalysyp jatyr.
«6 jeltoqsan kúni tańǵy saǵat 04:30-da №6 shaǵynaýdandaǵy oramishilik jylý jelisinde qubyr jaryldy (jylý qubyryn buratyn TsTP 63, diametri 159). Oǵan jóndeý brigadalary jiberildi. Osyǵan bailanysty Baýyrjan Momyshuly kóshesindegi 42, 54, 46, 44, 48, 50, 52 jáne Máshhúr Júsip kóshesindegi 59, 61, 65, 57a, 63, 63A, 63B, 67A turǵyn úilerine ystyq sý berý qysqa ýaqytqa toqtatyldy, qubyrdy saǵat 14:00-de deiin jóndeý kózdelgen», - delingen Úkimettiń Telegram-kanalynda.
Eske salaiyq, Ekibastuzda barlyǵy 689 kópqabatty úi bar. Jóndeý-qalpyna keltirý jumystaryna 851 adam jumyldyryldy.
Tómende Ekibastuz qalasyndaǵy úilerdi jylý jelisine qosý boiynsha atqarylǵan jumystar týraly málimet usynamyz.
