Foto: ashyq derekkózden
Byltyr 9 qarashada Almatydaǵy BAU meiramhanasynda burynǵy Ulttyq ekonomika ministri Qýandyq Bishimbaev óziniń azamattyq áieli Saltanat Núkenovany asqan qatigezdikpen uryp óltirgen. Bul týraly Ult.kz habarlaidy.
Qylmys bolǵan kúni eks-ministr ustalyp, 12 qarashada 2 aiǵa qamaýǵa alyndy. Bishimbaevpen qatar osy is boiynsha taǵy bir adam kúdikke ilinip, qamaýǵa alyndy.
Prezident Ishki ister ministrligine «Bishimbaev isin» erekshe baqylaýǵa alýdy tapsyrdy. Saltanat Núkenovanyń ólimi qazaqstandyqtar arasynda ǵana emes, álemde úlken rezonans týdyrdy. Qoǵamda zorlyq-zombylyq máseleleri ashyq talqylanyp, jazyla bastady. Qýandyq Bishimbaevtyń soty tikelei efirde ótip, milliondaǵan jurtshylyq ony baqylap otyrdy. Sottyń tikelei efirde ótýi Qazaqstanda tuńǵysh ret boldy.
Biyl 13 mamyrda Qýandyq Bishimbaev asa qatygezdikpen jáne azaptaýmen kisi óltirgeni úshin kináli dep tanylyp, 24 jylǵa sottaldy. Ol óz jazasyn qatań rejimdegi koloniiada óteidi. Sondai-aq, ol memleket paidasyna 2,3 mln teńge somasynda sot shyǵynyn jáne zardap shekken otbasyna 103 500 teńge kóleminde ótemaqy tóleýge mindetteldi. Úkim shyǵarý kezinde sot Bishimbaevtyń kámeletke tolmaǵan balalarynyń bolýyn eskerdi. Úkim shyǵarýda eks-ministrdiń buryn sottalǵandyǵy eskerilgen jáne "mas kúiinde qylmys jasaý" dep tanyldy.
Al ekinshi sottalýshy Baqytjan Baijanovqa tórt jyl túrme taǵaiyndaldy.
2023 jyldyń jeltoqsanynda Saltanat Núkenovanyń aǵasy Aitbek Amangeldi turmystyq zorlyq-zombylyq qurbandaryna kómek kórsetý úshin eriktiler jelisin qurdy. 9 ai jumys istegen kezde jalpy sany 3 myńnan asatyn zańgerler, psihologtar jáne basqa da mamandar qataryndaǵy eriktiler 1,5 myńnan astam áielge qoldaý kórsete aldy. Mamandardyń jumysynan basqa bul jeli turmystyq zorlyq-zombylyq qurbandaryna qonys aýdarýǵa, materialdyq kómek pen júkti áielderge kómektesedi.
Búgin Aitbek Amangeldi óziniń instagramdaǵy paraqshasynda Saltanattyń eski videolarynyń birimen bólisip, qaryndasyn eske alypty. Ol emotsiiasyn bólisetin kúshi joq ekenin jazypty.
