فوتو: اشىق دەرەككٶزدەن
بىلتىر 9 قاراشادا الماتىداعى BAU مەيرامحاناسىندا بۇرىنعى ۇلتتىق ەكونوميكا مينيسترٸ قۋاندىق بيشٸمباەۆ ٶزٸنٸڭ ازاماتتىق ەيەلٸ سالتانات نٷكەنوۆانى اسقان قاتٸگەزدٸكپەن ۇرىپ ٶلتٸرگەن. بۇل تۋرالى Ult.kz حابارلايدى.
قىلمىس بولعان كٷنٸ ەكس-مينيستر ۇستالىپ, 12 قاراشادا 2 ايعا قاماۋعا الىندى. بيشٸمباەۆپەن قاتار وسى ٸس بويىنشا تاعى بٸر ادام كٷدٸككە ٸلٸنٸپ, قاماۋعا الىندى.
پرەزيدەنت ٸشكٸ ٸستەر مينيسترلٸگٸنە «بيشٸمباەۆ ٸسٸن» ەرەكشە باقىلاۋعا الۋدى تاپسىردى. سالتانات نٷكەنوۆانىڭ ٶلٸمٸ قازاقستاندىقتار اراسىندا عانا ەمەس, ەلەمدە ٷلكەن رەزونانس تۋدىردى. قوعامدا زورلىق-زومبىلىق مەسەلەلەرٸ اشىق تالقىلانىپ, جازىلا باستادى. قۋاندىق بيشٸمباەۆتىڭ سوتى تٸكەلەي ەفيردە ٶتٸپ, ميلليونداعان جۇرتشىلىق ونى باقىلاپ وتىردى. سوتتىڭ تٸكەلەي ەفيردە ٶتۋٸ قازاقستاندا تۇڭعىش رەت بولدى.
بيىل 13 مامىردا قۋاندىق بيشٸمباەۆ اسا قاتىگەزدٸكپەن جەنە ازاپتاۋمەن كٸسٸ ٶلتٸرگەنٸ ٷشٸن كٸنەلٸ دەپ تانىلىپ, 24 جىلعا سوتتالدى. ول ٶز جازاسىن قاتاڭ رەجيمدەگٸ كولونييادا ٶتەيدٸ. سونداي-اق, ول مەملەكەت پايداسىنا 2,3 ملن تەڭگە سوماسىندا سوت شىعىنىن جەنە زارداپ شەككەن وتباسىنا 103 500 تەڭگە كٶلەمٸندە ٶتەماقى تٶلەۋگە مٸندەتتەلدٸ. ٷكٸم شىعارۋ كەزٸندە سوت بيشٸمباەۆتىڭ كەمەلەتكە تولماعان بالالارىنىڭ بولۋىن ەسكەردٸ. ٷكٸم شىعارۋدا ەكس-مينيستردٸڭ بۇرىن سوتتالعاندىعى ەسكەرٸلگەن جەنە "ماس كٷيٸندە قىلمىس جاساۋ" دەپ تانىلدى.
ال ەكٸنشٸ سوتتالۋشى باقىتجان بايجانوۆقا تٶرت جىل تٷرمە تاعايىندالدى.
2023 جىلدىڭ جەلتوقسانىندا سالتانات نٷكەنوۆانىڭ اعاسى ايتبەك امانگەلدٸ تۇرمىستىق زورلىق-زومبىلىق قۇرباندارىنا كٶمەك كٶرسەتۋ ٷشٸن ەرٸكتٸلەر جەلٸسٸن قۇردى. 9 اي جۇمىس ٸستەگەن كەزدە جالپى سانى 3 مىڭنان اساتىن زاڭگەرلەر, پسيحولوگتار جەنە باسقا دا ماماندار قاتارىنداعى ەرٸكتٸلەر 1,5 مىڭنان استام ەيەلگە قولداۋ كٶرسەتە الدى. مامانداردىڭ جۇمىسىنان باسقا بۇل جەلٸ تۇرمىستىق زورلىق-زومبىلىق قۇرباندارىنا قونىس اۋدارۋعا, ماتەريالدىق كٶمەك پەن جٷكتٸ ەيەلدەرگە كٶمەكتەسەدٸ.
بٷگٸن ايتبەك امانگەلدٸ ٶزٸنٸڭ ينستاگرامداعى پاراقشاسىندا سالتاناتتىڭ ەسكٸ ۆيدەولارىنىڭ بٸرٸمەن بٶلٸسٸپ, قارىنداسىن ەسكە الىپتى. ول ەموتسيياسىن بٶلٸسەتٸن كٷشٸ جوق ەكەنٸن جازىپتى.
