Búgin Qazaqstannyń birneshe óńirinde aýa raiy qubylmaly bolady. Eldiń batysynda, soltústiginde jáne ortalyǵynda qatty jańbyr jaýyp, kei jerlerde burshaq túsýi múmkin, dep habarlaidy ult.kz.
Sinoptikterdiń boljaýynsha, batys óńirlerde jaýyn-shashyn 2 shildege deiin jalǵasady. Osyǵan bailanysty turǵyndarǵa aýa raiynyń qolaisyzdyǵyna bailanysty saqtyq sharalaryn saqtaý usynylady.
Al elimizdiń shyǵysy men ońtústik-shyǵysynda aptap ystyq saqtalady. Kei óńirlerde aýa temperatýrasy +38 gradýsqa deiin kóterilip, tótenshe órt qaýpi joǵary bolady.
Elordada búgin kún bultty bolyp, jańbyr jaýyp, naizaǵai oinaidy. Jeldiń jyldamdyǵy sekýndyna 9–14 metrge deiin jetip, ekpini 15–20 metrge deiin kúsheiedi. Aýa temperatýrasy túnde +15…+17 gradýs, kúndiz +24…+26 gradýs bolady.
Almatyda da kún bultty. Jańbyr jaýyp, naizaǵai kútiledi. Jeldiń jyldamdyǵy 3–8 m/s bolsa, ekpini 15–18 m/s-qa deiin kúsheiedi. Kúndiz aýa temperatýrasy +33…+35 gradýsqa deiin ysidy, túnde +21…+23 gradýs shamasynda bolady.
Shymkentte de bultty aýa raiy saqtalady. Sinoptikter jańbyr men naizaǵai bolatynyn boljaidy. Jeldiń jyldamdyǵy 8–13 m/s, ekpini 15–20 m/s bolady. Aýa temperatýrasy túnde +19…+21 gradýs, kúndiz +31…+33 gradýsqa deiin kóteriledi.
Mamandar turǵyndardy aýa raiy boljamyn qadaǵalap, nóser jańbyr, qatty jel jáne aptap ystyq kezinde qaýipsizdik sharalaryn saqtaýǵa shaqyrady.
