بٷگٸن قازاقستاننىڭ بٸرنەشە ٶڭٸرٸندە اۋا رايى قۇبىلمالى بولادى. ەلدٸڭ باتىسىندا, سولتٷستٸگٸندە جەنە ورتالىعىندا قاتتى جاڭبىر جاۋىپ, كەي جەرلەردە بۇرشاق تٷسۋٸ مٷمكٸن, دەپ حابارلايدى ult.kz.
سينوپتيكتەردٸڭ بولجاۋىنشا, باتىس ٶڭٸرلەردە جاۋىن-شاشىن 2 شٸلدەگە دەيٸن جالعاسادى. وسىعان بايلانىستى تۇرعىندارعا اۋا رايىنىڭ قولايسىزدىعىنا بايلانىستى ساقتىق شارالارىن ساقتاۋ ۇسىنىلادى.
ال ەلٸمٸزدٸڭ شىعىسى مەن وڭتٷستٸك-شىعىسىندا اپتاپ ىستىق ساقتالادى. كەي ٶڭٸرلەردە اۋا تەمپەراتۋراسى +38 گرادۋسقا دەيٸن كٶتەرٸلٸپ, تٶتەنشە ٶرت قاۋپٸ جوعارى بولادى.
ەلوردادا بٷگٸن كٷن بۇلتتى بولىپ, جاڭبىر جاۋىپ, نايزاعاي وينايدى. جەلدٸڭ جىلدامدىعى سەكۋندىنا 9–14 مەترگە دەيٸن جەتٸپ, ەكپٸنٸ 15–20 مەترگە دەيٸن كٷشەيەدٸ. اۋا تەمپەراتۋراسى تٷندە +15…+17 گرادۋس, كٷندٸز +24…+26 گرادۋس بولادى.
الماتىدا دا كٷن بۇلتتى. جاڭبىر جاۋىپ, نايزاعاي كٷتٸلەدٸ. جەلدٸڭ جىلدامدىعى 3–8 م/س بولسا, ەكپٸنٸ 15–18 م/س-قا دەيٸن كٷشەيەدٸ. كٷندٸز اۋا تەمپەراتۋراسى +33…+35 گرادۋسقا دەيٸن ىسيدى, تٷندە +21…+23 گرادۋس شاماسىندا بولادى.
شىمكەنتتە دە بۇلتتى اۋا رايى ساقتالادى. سينوپتيكتەر جاڭبىر مەن نايزاعاي بولاتىنىن بولجايدى. جەلدٸڭ جىلدامدىعى 8–13 م/س, ەكپٸنٸ 15–20 م/س بولادى. اۋا تەمپەراتۋراسى تٷندە +19…+21 گرادۋس, كٷندٸز +31…+33 گرادۋسقا دەيٸن كٶتەرٸلەدٸ.
ماماندار تۇرعىنداردى اۋا رايى بولجامىن قاداعالاپ, نٶسەر جاڭبىر, قاتتى جەل جەنە اپتاپ ىستىق كەزٸندە قاۋٸپسٸزدٸك شارالارىن ساقتاۋعا شاقىرادى.
