Foto: Olympic.kz
Búgin Astanada dziýdodan Qazaqstan Barysy Grand Slam jarysynyń alaýy tutanady. Parij Olimpiadasynyń sońǵy litsenzialary sarapqa salynatyn basty dodaǵa álemniń 92 elinen 519 tatami sheberi qatyspaq. Olardyń qatarynda 3 Olimpiada, 13 álem chempiony synǵa túsedi.
Atap aitsaq, Halyqaralyq dziýdo federatsiiasynyń kúntizbesine Qazaqstan Barysy Grand Slam ataýymen engen jarys qatysýshylarynyń qatarynda dziýdo sportynyń jaryq juldyzy, úsh dúrkin Olimpiada chempiony, 12 dúrkin álem chempiony Teddi Rinerden (Frantsiia) bastap, Olimpiada jeńimpazdary men júldegerleri Akira Sone (Japoniia), Rafaelia Silva (Braziliia), Baýl An (Ońtústik Koreia), álem chempiondary men júldegerleri Krista Degýchi (Kanada), Tsogtbaatar Tsendochshir (Mońǵoliia), Djordj Fonseka (Portýgaliia), Van T End Noel (Niderland), Valid Kiar (Frantsiia), Tatsýrý Saito (Japoniia), Grand Slam jeńimpazdary Doston Roziev (Ózbekstan), Elios Mantsi (Italiia), Barýh Shmailov (Izrail), Kýbanychbek Aibekýýlý (Qyrǵyzstan) bar.
Al Qazaqstan jarysty qabyldaýshy el retinde ár salmaq dárejesinde 4 sportshydan shyǵarýǵa quqyly.
Jaqsylyq Úshkempirov atyndaǵy jekpe-jek saraiynyń tórinde ótetin álemdik dodada Qazaqstan sapynan eki dúrkin Olimpiada júldegeri Eldos Smetov, Grand Slam chempiony Maǵjan Shamshadin, álem chempionatynyń kúmis júldegeri Ǵusman Qyrǵyzbaev, Gran Pri jarystarynyń júldegeri Ǵaliia Tynbaeva bastaǵan sportshylar el namysyn qorǵaidy.
Erler arasynda el namysyn qorǵaityn sportshylar:
60 kg: Eldos Smetov, Maǵjan Shamshadin, Sherzod Davlatov, Dáýren Súieýkenov;
66 kg: Ǵusman Qyrǵyzbaev, Janarys Rahmetqali, Eset Qýanov, Nursultan Zaizaǵaliev;
73 kg: Jansai Smaǵulov, Daniiar Shamshaev, Asqar Narqulov, Baqytjan Ábdirahmanov;
81 kg: Abylaihan Jubanazar, Rýslan Musaev, Jalǵas Qairolla, Mádi Amangeldi;
90 kg: Aidar Arapov, Ermahan Ánýarbekov, Qudyret Dosymov, Muhamedáli Mavlidov;
100 kg: Nurlyhan Sharhan, Islam Bozbaev, Ádilet Saparǵaliev, Bekzat Shaǵataev;
+100 kg: Erasyl Qajybaev, Elaman Erǵaliev, Mádi Edilbaev, Ǵalymjan Qyryqbai.
Áielder arasynda el namysyn qorǵaityn sportshylar:
48 kg: Ǵaliia Tynbaeva, Diana Býrkeeva, Alira Shegelekova, Jibek Jaqsybai
52 kg: Tolǵanai Abeýova, Balnur Ábdeshova, Arýjan Erejepova, Alima Jumaǵalieva
57 kg: Baqyt Qusaqbaeva, Uldana Úsein, Dina Muhanbet, Dana Ábdirova
63 kg: Esmigúl Kýiýlova, Samalai Erǵalieva, Kristina Sotnikova, Zarina Saripova
70 kg: Ekaterina Tokareva, Anastasiia Maiakova, Anastasiia Morozova
-78 kg: Laýra Jánibekova, Anastasiia Nagachevskaia
+78 kg: Aida Toishybekova, Aqerke Ramazanova, Karina Takieva, Nazgúl Maratova
Bul básekeniń nátijesinde IJF erejelerine sáikes jarystyń jeńimpazdary men júldegerleri arasynda álemdik jáne olimpiadalyq reitingilerde upailar bólinedi.
Atap aitqanda, I oryn úshin 1 000, II oryn úshin – 700, al III oryn úshin – 500 upai esepteledi.
Bairaqty doda 2024 jyly Parijde ótetin jazǵy Olimpiada oiyndarynyń qarsańyndaǵy sońǵy litsenziialyq Grand Slam jarysy bolmaq.
