QR Prezidenti Nursultan Nazarbaev búgin qazaqstandyqtarǵa arnaiy úndeý jasaidy, - dep habarlaidy "Ult aqparat" Aqordanyń feisbýktaǵy paraqshasyna silteme jasap.
"Búgin saǵat 21.00-de respýblikalyq telearnalar arqyly Memleket basshysynyń arnaýly úndeýi jariialanady", - delingen Aqordanyń habarlamasynda.
Aita keteiik, taiaýda Nursultan Nazarbaev memlekettik biliktiń tarmaqtary arasynda ókilettikterdi qaita bólý máseleleri boiynsha jumys tobymen kezdesken edi. Memleket basshysy otyrysta memlekettik biliktiń tarmaqtary arasynda ókilettikterdi qaita bólý máselesi respýblika damýynyń júieli jáne zańdy kezeńi bolyp tabylatynyn atap ótti.
"Men usynǵan bes institýtsionaldyq reformanyń birin iske asyrý Úkimetke ekonomika salasynda qosymsha atqarýshylyq ókilettikter berýdi kózdeidi. Bul oraida qorǵanys qabiletiniń, syrtqy saiasattyń, memlekettik basqarýdyń, Konstitýtsiiany qorǵaýdyń jáne memlekettik bilik tarmaqtary arasynda tiimdi jumysty qamtamasyz etýdiń negizgi máseleleri Prezidenttiń quzyrynda qala beredi", - degen edi Nursultan Nazarbaev.
.jpeg)