Búgin Qazaqstannyń barlyq mektepterinde sońǵy qońyraý soǵylady, dep habarlaidy "Ult aqparat".
Ministrlik 25 mamyrda sońǵy qońyraý merekesi mindetti túrde onlain rejimde ótkiziletindigin habarlady. 25 mamyr saǵat 11.00-de telearnalar arqyly Qazaqstan Respýblikasy Bilim jáne ǵylym ministri Ashat Aimaǵambetov túlekterdi quttyqtaidy.
Sonymen qatar, barlyq mektepterde múmkindiginshe ata-analardyń, qamqorlyq keńes músheleriniń, biznes ókilderiniń, mektepti úzdik bitirgen burynǵy túlekterdiń qatysýymen 1-10 synyptarǵa arnalǵan onlain sońǵy qońyraý ótkiziledi.
«25 mamyrda onlain rejiminde 1-10 synyptarǵa arnalǵan sońǵy qońyraý synyp sabaqtaryn ótkiziledi. Jyl qorytyndysyn sol jerde ár synyp boiynsha jasaýǵa, ony ártúrli ýaqytta ótkizýge bolady. Ony asyra uiymdastyrýdyń qajeti joq. Ár synyp jetekshisi qai ýaqytta, qalai ótkizetindigin eshqandai esepsiz, suraýsyz jeke tártipte ótkizýi tiis», - dedi Bilim jáne ǵylym ministri Ashat Aimaǵanbetov ministrlikte ótken jiynda.
Al 11 synyp oqýshylary úshin sońǵy qońyraý 3-4 maýsym kúnderi ótedi. Onda adam sany shektelip, sanitarlyq normalar qatań saqtalýy tiis.
