Qashyqtan oqytý kezinde búgin tańerteń bastaýysh synyp oqýshylary bilim berý júielerin belsendi paidalandy. Bul týraly búgin onlain brifingide QR Bilim jáne ǵylym vitse-ministri Sholpan Karinova málim etti, - dep habarlaidy QazAqparat tilshisi.
«Búginde tórtinshi toqsandy barlyq qazaqstandyq mektepter qashyqtan oqytyp bastady. Osy sátti paidalanyp, barshalaryńyzǵa sáttilik tileimin. Barshamyz úshin bul - úlken syn, birinshi ret osyndai formatta bilim berip jatyrmyz. Sondyqtan bul tájiribeniń ońtaily bolǵany mańyzdy. Bilim jáne ǵylym ministrligi birneshe kúnnen beri qashyqtan oqytýǵa qatysta aqparattandyryp kele jatyr. Búgin tańerteń osy oqytý júielerin iske qosý bastaldy. Saǵat 09:00-den telesabaqtar bastaldy, osy ýaqytta bastaýysh synyptar úshin júrip jatyr. Odan basqa elektrondy platformalarda da sabaqtar jalǵasýda», - dedi vitse-ministr.
Onyń sózine qaraǵanda, búgin tańerteń bir millionǵa jýyq paidalanýshy elektrondy jýrnaldar júiesinde jumys istedi.
«Jalpy, bilim salasy úshin Bilimland, «Kúndelik», «Daryn onlain» sekildi oqytý tuǵyrnamalary tegin túrde tiisti jaǵdai jasaýda. Sonymen qatar, telearnalarda júrip jatqan sabaqtar olardyń Youtube kanaldarynda, saittarynda qoljetimdi. Tsifrlyq resýrstarǵa qarasaq, 1 mln oqýshy osy júielerdi paidalanyp otyr. Bul rette óte belsendi paidalanyp otyrǵanyn aitýǵa bolady», - dedi Sholpan Karinova.
