- Bul kúni qazaqtyń Uly aqyny, Qazaqstannyń halyq jazýshysy, Memlekettik syilyqtyń laýreaty, Respýblikalyq «Tarlan», Halyqaralyq «Aziias» (mońǵolshadan aýdarǵanda «talant») syilyqtarynyń iegeri Qadyr Ǵinaiatuly Myrza Áli dúniege kelgen. Ol 1935 jyly Oral oblysynyń Jympity kentinde týǵan.
1958 jyly Qazaq memlekettik ýniversitetiniń filologiia fakýltetin tamamdaǵan. Eńbek jolyn sol kezde jańadan ashylǵan balalar jýrnaly «Baldyrǵannan» bastaǵan. 1962-1965 jj. «Juldyz» jýrnaly redaktsiiasynda poeziia jáne syn bóliminiń meńgerýshisi, jaýapty hatshy, bas redaktordyń orynbasary, 1968-1973 jj. «Jazýshy» baspasynda qazaq poeziiasy bóliminiń meńgerýshisi, keiin Qazaqstan Jazýshylar odaǵynda poeziia sektsiiasynyń keńesshisi bolǵan.1993 jyldan «Balaýsa» baspasynyń direktory boldy.
Tuńǵysh týyndysy 1954 jyly «Pioner» jýrnalynda jariialandy. Sodan bergi ýaqyt ishinde 40-tan astam jyr jinaqtary men ádebi-syn, án óleńderi men prozalyq kitaptary: «Kóktem» (1959), «Danyshpan» (1961), «Sabaq», «Oi ormany» (1965), «Dala didary» (1966), «Bulbul baǵy» (1967), «Aq otaý» (1968), «Kúmis qońyraý», (1970), «Dombyra» (eki kitap, 1971 jáne 1974), «Kesh» (1973), «Jeruiyq» (1976), «Qoramsaq», «Kókpar», «Qyzyl kitap», «Alaqan» (1981), «Saz siqyry» (1982), «Kúnder-ai» (1984), sondai-aq toqsanynshy jyldary tańdamaly shyǵarmalarynyń bes tomdyǵy, al 2001 jyly «Qazyǵurt» baspasynan 15 tomdyǵy shyqqan. Birneshe pesasy sahnada qoiylǵan. Eki júzge jýyq án mátinderin jazyp, «Kúnder-ai» (1984) degen atpen jeke jinaq bolyp shyqty. Kóptegen óleńderi oqýlyqtarǵa engen. Balalarǵa arnalǵan óleń, jańyltpash, jumbaq, mysaldarmen qazaq balalar ádebietin damytýǵa eleýli úles qosyp keledi. Olar: «Jańǵalaqtar» (1960), «Danyshpan» (1961), «Noian qoian» (1962), «Alýan palýan» (1963), «Sabaq» (1964).
Óleńderi aǵylshyn, frantsýz, nemis, bolgar, vengr, fin, t.b. kóptegen shetel tilderine aýdarylǵan. Ol Oviidiń, Rýmidiń, Geineniń, Giýgonyń, Lermontovtyń, Eseninniń, Rasýl Ǵamzatovtyń, Mejelaitistiń, Petifidiń, t.b. jyrlaryn qazaq tiline aýdarǵan.
«Úkili úzindiler» (1996), «Ǵibratnámá» (2001), «Jazmysh» (2001), «Eńirep ótken erler-ai» (2001), «Iirim» (2004), «Shyrǵalań» (2004), «Almas jerde qalmas» (2004), t.b. kóptegen kitaptardyń avtory.
Orys tilinde «Uiqysyz túnder», «Aq otaý», «Bulbul baǵy», «Dala didary», «Sabaq», «Alaqan», «Dombyra», ózbek tilinde «Alaqan», ázerbaijan tilinde «Bulbul baǵy», mońǵol tilinde «Shymyr jańǵaq» siiaqty kitaptary basyldy.
1966 jyly «Oi ormany» jinaǵy úshin Qazaqstan Lenin komsomolynyń syilyǵy berildi. 1980 jyly «Jeruiyq» jyr kitaby úshin Qazaq KSR Memlekettik syilyǵynyń laýreaty atandy. Qazaqstannyń Halyq jazýshysy. 2001 jyly táýelsiz «Tarlan» syilyǵyn aldy. «Parasat» ordeniniń iegeri (2005).
