Búgin fýtboldan Qazaqstan men Chernogoriia quramalary joldastyq kezdesý ótkizedi, dep habarlaidy "Ult aqparat".
Kezdesý Chernogoriia astanasy - Podgoritse qalasynda ótedi. Oiyn elorda ýaqytymen saǵat 23.00-de bastalyp, Qazsport telearnasynan tikelei efirde kórsetiledi.
Qazaqstan atalǵan qarsylasymen budan buryn úsh márte kezdesti. 2008 jyldyń 27 mamyrynda Podgoritsede ótken joldastyq kezdesýde olardan 0:3 esebimen jeńilip qaldy. Odan keiin eki quramanyń joly 2018 jylǵy álem chempionatyna irikteý kezeńinde E tobynda túiisti. Aldymen 2016 jyldyń 8 qazanynda Podgoritsede 0:5 esebimen ese jibergen qazaqstandyq qurama 2017 jyldyń 1 qyrkúieginde elordada olarǵa 0:3 esebimen ese jiberdi.
Chernogoriia quramasy 2007 jyldan beri álemdik fýtboldaǵy túrli jarystarǵa qatysyp keledi. Ázirge álem jáne Eýropa chempionattary finaldyq kezeńine shyǵa alǵan joq. FIFA jariialaǵan sońǵy reitingte olar 64-orynda tursa, Qazaqstan quramasy 119-orynda.
Búginde eki qurama UEFA Ulttar ligasynda oiyn kórsetip keledi. Atalǵan týrnirde S ligasynda birinshi topta Chernogoriia 9 upaimen kósh bastap tursa, Qazaqstan - tórtinshi topta sońǵy orynda.
Esterińizge sala ketelik, Qazaqstan quramasy endi Ulttar ligasynda eki oiyn ótkizedi. Aldymen 15 qazanda syrt alańda Albaniiamen sheberlik baiqassa, 18 qarashaa óz alańynda Litvany qabyldaidy.
