بٷگٸن فۋتبولدان قازاقستان مەن چەرنوگورييا قۇرامالارى جولداستىق كەزدەسۋ ٶتكٸزەدٸ, دەپ حابارلايدى "ۇلت اقپارات".
كەزدەسۋ چەرنوگورييا استاناسى - پودگوريتسە قالاسىندا ٶتەدٸ. ويىن ەلوردا ۋاقىتىمەن ساعات 23.00-دە باستالىپ, Qazsport تەلەارناسىنان تٸكەلەي ەفيردە كٶرسەتٸلەدٸ.
قازاقستان اتالعان قارسىلاسىمەن بۇدان بۇرىن ٷش مەرتە كەزدەستٸ. 2008 جىلدىڭ 27 مامىرىندا پودگوريتسەدە ٶتكەن جولداستىق كەزدەسۋدە ولاردان 0:3 ەسەبٸمەن جەڭٸلٸپ قالدى. ودان كەيٸن ەكٸ قۇرامانىڭ جولى 2018 جىلعى ەلەم چەمپيوناتىنا ٸرٸكتەۋ كەزەڭٸندە ە توبىندا تٷيٸستٸ. الدىمەن 2016 جىلدىڭ 8 قازانىندا پودگوريتسەدە 0:5 ەسەبٸمەن ەسە جٸبەرگەن قازاقستاندىق قۇراما 2017 جىلدىڭ 1 قىركٷيەگٸندە ەلوردادا ولارعا 0:3 ەسەبٸمەن ەسە جٸبەردٸ.
چەرنوگورييا قۇراماسى 2007 جىلدان بەرٸ ەلەمدٸك فۋتبولداعى تٷرلٸ جارىستارعا قاتىسىپ كەلەدٸ. ەزٸرگە ەلەم جەنە ەۋروپا چەمپيوناتتارى فينالدىق كەزەڭٸنە شىعا العان جوق. FIFA جارييالاعان سوڭعى رەيتينگتە ولار 64-ورىندا تۇرسا, قازاقستان قۇراماسى 119-ورىندا.
بٷگٸندە ەكٸ قۇراما UEFA ۇلتتار ليگاسىندا ويىن كٶرسەتٸپ كەلەدٸ. اتالعان تۋرنيردە س ليگاسىندا بٸرٸنشٸ توپتا چەرنوگورييا 9 ۇپايمەن كٶش باستاپ تۇرسا, قازاقستان - تٶرتٸنشٸ توپتا سوڭعى ورىندا.
ەستەرٸڭٸزگە سالا كەتەلٸك, قازاقستان قۇراماسى ەندٸ ۇلتتار ليگاسىندا ەكٸ ويىن ٶتكٸزەدٸ. الدىمەن 15 قازاندا سىرت الاڭدا البانييامەن شەبەرلٸك بايقاسسا, 18 قاراشاا ٶز الاڭىندا ليتۆانى قابىلدايدى.
