Búgin fýtboldan Premer-liga komandalary arasyndaǵy Qazaqstan birinshiligi jalaýyn kóteredi, dep habarlaidy "Ult aqparat".
Biylǵy dop dodasynda barlyǵy 14 komanda baq synaidy. Olar eki ainalym júiesi boiynsha sheberlik baiqasady.
Alǵashqy týr oiyndary 13 jáne 14 naýryz kúnderine belgilengen. Búgin, 13 naýryzda alty komanda ózara kezdesedi.
Dop dodasynyń shymyldyǵyn «Qairat» (Almaty) - «Jetisý» (Taldyqorǵan) komandalary ashady. Bul oiyn 15.00-ge belgilengen. Odan keiin 16.00-de «Atyraý» men «Shahter» (Qaraǵandy), 17.00-de «Turan» (Túrkistan) men «Astana» (Nur-Sultan) klýbtary jasyl alańǵa shyǵady.
Al 14 naýryzda qalǵan tórt oiyn bolady. Aldymen 15.00-de «Kaspii» (Aqtaý) men «Aqtóbe», «Ordabasy» (Shymkent) men «Qyzyljar» (Petropavl), 17.00-de «Qaisar» (Qyzylorda) men «Taraz», «Tobyl» (Qostanai) men «Aqjaiyq» (Oral) komandalary sheberlik baiqasady.
Aita keteiik, el birinshiligi 30 qazanda máresine jetedi. Árbir komanda 26 oiynnan ótkizedi.
