بٷگٸن فۋتبولدان قازاقستان بٸرٸنشٸلٸگٸ باستالادى

بٷگٸن فۋتبولدان پرەمەر-ليگا كوماندالارى اراسىنداعى قازاقستان بٸرٸنشٸلٸگٸ جالاۋىن كٶتەرەدٸ, دەپ حابارلايدى "ۇلت اقپارات". 

بيىلعى دوپ دوداسىندا بارلىعى 14 كوماندا باق سىنايدى. ولار ەكٸ اينالىم جٷيەسٸ بويىنشا شەبەرلٸك بايقاسادى. 

العاشقى تۋر ويىندارى 13 جەنە 14 ناۋرىز كٷندەرٸنە بەلگٸلەنگەن. بٷگٸن, 13 ناۋرىزدا التى كوماندا ٶزارا كەزدەسەدٸ. 

دوپ دوداسىنىڭ شىمىلدىعىن «قايرات» (الماتى) - «جەتٸسۋ» (تالدىقورعان) كوماندالارى اشادى. بۇل ويىن 15.00-گە بەلگٸلەنگەن. ودان كەيٸن 16.00-دە «اتىراۋ» مەن «شاحتەر» (قاراعاندى), 17.00-دە «تۇران» (تٷركٸستان) مەن «استانا» (نۇر-سۇلتان) كلۋبتارى جاسىل الاڭعا شىعادى. 

ال 14 ناۋرىزدا قالعان تٶرت ويىن بولادى. الدىمەن 15.00-دە «كاسپيي» (اقتاۋ) مەن «اقتٶبە», «ورداباسى» (شىمكەنت) مەن «قىزىلجار» (پەتروپاۆل), 17.00-دە «قايسار» (قىزىلوردا) مەن «تاراز», «توبىل» (قوستاناي) مەن «اقجايىق» (ورال) كوماندالارى شەبەرلٸك بايقاسادى. 

ايتا كەتەيٸك, ەل بٸرٸنشٸلٸگٸ 30 قازاندا مەرەسٸنە جەتەدٸ. ەربٸر كوماندا 26 ويىننان ٶتكٸزەدٸ.