Sýret: uefa.com
Búgin, 5 shildede fýtboldan 2024 jylǵy Eýropa chempionatynyń 1/4 finalynda Ispaniia men Germaniia jáne Portýgaliia men Frantsiia quramalarynyń joldary túiisedi.
Qazaqstan ýaqytymen 21:00-de Ispaniia men Germaniia Shtýtgart qalasyndaǵy «MHP» stadionynda sheberlik baiqasady. Kezdesýge tanymal tóreshi Entoni Teilor tórelik etedi.
Al 00:00-de Portýgaliia men Frantsiia Gambýrg qalasyndaǵy «Folkparkshtadion» stadionynda kezdesedi. Oiynǵa bas qazy Maikl Oliver tórelik etedi.
Eki kezdesýdi de Qazsport telearnasy tikelei efirden kórsetedi.
Aita keteiik, Eýropa chempionaty Germaniiada ótip jatyr.
Eske salsaq, budan buryn ¼ finalǵa Ispaniia, Angliia, Germaniia, Shveitsariia, Portýgaliia, Frantsiia quramalary joldama alǵan bolatyn. Sondai-aq sońǵy eki joldama Niderland pen Túrkiia quramalaryna buiyrdy.
