سۋرەت: uefa.com
بٷگٸن, 5 شٸلدەدە فۋتبولدان 2024 جىلعى ەۋروپا چەمپيوناتىنىڭ 1/4 فينالىندا يسپانييا مەن گەرمانييا جەنە پورتۋگالييا مەن فرانتسييا قۇرامالارىنىڭ جولدارى تٷيٸسەدٸ.
قازاقستان ۋاقىتىمەن 21:00-دە يسپانييا مەن گەرمانييا شتۋتگارت قالاسىنداعى «محپ» ستاديونىندا شەبەرلٸك بايقاسادى. كەزدەسۋگە تانىمال تٶرەشٸ ەنتوني تەيلور تٶرەلٸك ەتەدٸ.
ال 00:00-دە پورتۋگالييا مەن فرانتسييا گامبۋرگ قالاسىنداعى «فولكپاركشتاديون» ستاديونىندا كەزدەسەدٸ. ويىنعا باس قازى مايكل وليۆەر تٶرەلٸك ەتەدٸ.
ەكٸ كەزدەسۋدٸ دە Qazsport تەلەارناسى تٸكەلەي ەفيردەن كٶرسەتەدٸ.
ايتا كەتەيٸك, ەۋروپا چەمپيوناتى گەرمانييادا ٶتٸپ جاتىر.
ەسكە سالساق, بۇدان بۇرىن ¼ فينالعا يسپانييا, انگلييا, گەرمانييا, شۆەيتسارييا, پورتۋگالييا, فرانتسييا قۇرامالارى جولداما العان بولاتىن. سونداي-اق سوڭعى ەكٸ جولداما نيدەرلاند پەن تٷركييا قۇرامالارىنا بۇيىردى.
