Búgin - Beijiń Olimpiadasynyń sońǵy jarys kúni. Nur-Sultan ýaqytymen 18:00-de qysqy oiyndardyń jabylý saltanaty ótedi, dep habarlaidy "Ult aqparat" Olympic.kz saityna silteme jasap.
Bul sharany Qazaqstan, Qazsport jáne Habar telearnalary tikelei efirde kórsetedi.
Jabylý saltanaty 2008 jylǵy jazǵy Olimpiada oiyndaryna arnap salynǵan «Qus uiasy» stadionynda ótedi.
Uiymdastyrýshylardyń málimetinshe, jyldar boiy óz ómirindegi basty dodaǵa daiyndalǵan atletter jabylý saltanatynyń bas qaharmandary bolmaq.
Sondai-aq, Olimpiadanyń saltanatty jabylý rásiminde Beijiń tarihta qysqy jáne jazǵy oiyndardy qabyldaǵan tuńǵysh ári jalǵyz qala ekenine basymdyq berilmek.
Aita ketelik, Beijińdegi qysqy Olimpiada oiyndary 20 aqpanda bastaldy.
Qazaqstan komandasynyń sportshylary júldege ilingen joq. Komanda sapyndaǵy eń joǵary nátijeni Abzal Ájiǵaliev tirkedi. Ol short-trekten 500 metrge jarysýda tórtinshi oryn aldy.
Beijiń Olimpiadasynda jalpy esebi 109 júlde jiyntyǵy sarapqa salyndy.
