Búgin Atyraýdan Reseidiń Astrahan qalasyna jolaýshylar poiyzy júredi, dep habarlaidy QazAqparat.
Oblystyq jolaýshylar kóligi jáne avtomobil joldary basqarmasynyń basshysy Samat Aitqalievtyń málimetinshe, búgin, 20 sáýirde halyqaralyq jolaýshylar poiyzy jolǵa shyǵady.
«Atyraý qalasynan shyǵatyn jolaýshylar poiyzy jup kúnderi júredi. Al, Reseidegi Astrahan qalasynan taq kúnderi qatynaidy. Poiyz Atyraýdan jergilikti ýaqytpen saǵat 22:45-te qozǵalady. Júrý uzaqtyǵy – 12 saǵat 17 minýt. Bilet baǵasy 13 myń 400 teńgeden bastalady», -deidi Samat Aitqaliev.
Onyń aitýynsha, bul poiyz buryn da júrgen. Biraq, koronavirýs infektsiiasynyń órshýine bailanysty toqtap qalǵan edi.
Sondai-aq, byltyrdan beri Atyraý qalasynan Qurmanǵazy aýdanyndaǵy D.Nurpeiisova temirjol beketine deiin baratyn jolaýshylar poiyzy kestege sáikes qatynaidy.
