Búgin, iaǵni sársenbi, 1 naýryzda Qazaqstan halqy "Alǵys aitý kúni" merekesin atap ótedi.
2015 jyldyń 15 qańtarynda Memleket basshysy Nursultan Nazarbaev «Qazaqstan Respýblikasyndaǵy kásiptik jáne ózge de merekeler týraly» Qazaqstan Respýblikasy Prezidentiniń 1998 jylǵy 20 qańtardaǵy № 3827 Jarlyǵyna ózgeris jáne tolyqtyrý engizý týraly» Jarlyǵyna qol qoidy. Oǵan sáikes, 1 naýryz - Alǵys aitý kúni bolyp bekitildi.
Aita keteiik, bul kúndi tańdaýdyń ózindik orny bar. 1995 jyldyń 1 naýryzy kúni Qazaqstan halqy Assambleiasy quryldy. 2015 jyly Assambleianyń jiyrma jyldyǵyn atap ótý sharalary aiasynda Memleket basshysy bul kúndi Alǵys aitý kúni dep jariialaýdy usyndy. Osylaisha, eldegi barlyq etnostardyń ókilderi bir-birine jáne qazaqtarǵa alǵys aita alady.
«Stalindik rejim kezinde túrli jyldary Qazaqstanǵa kóptegen halyqtar jer aýdaryldy - 800 myńǵa jýyq nemis, 102 myń poliak, 550 myń Soltústik Kavkaz halqynyń ókilderi, 18,5 myń Qiyr Shyǵystaǵy korei otbasylary kóship kelýge májbúr boldy. Olardy poiyz vagondarynan japan dalaǵa túsirip ketti. Ol kezderi munda tek qazaqtar ómir súrdi. Sondyqtan, olar qabyl alyp, kómek kórsetti. Qiyn ýaqyttardy bastan ótkerip júrgen qazaq otbasylary balshyq úilerine kirgizip, qabyldady. Bizdiń januiamyz da úsh balasy bar erli-zaiyptyny qabyldady. Qazaqstan halqy Assambleiasynyń qurylǵan kúnin - 1 naýryzdy jyl saiyn barlyq etnostardyń bir-birine jáne meiirimdilik kórsetip, túrli halyqtardy týǵanyndai qabyldaǵan qazaqtarǵa Alǵys aitý kúni dep atap ótken durys bolar edi. Bul bizdi odan ári jaqyndastyrar edi. Bul kún barlyq qazaqstandyqtardyń bir-birine meiirimdilik, dostastyq jáne mahabbat tanytý merekesi bola alady», - dep málimdedi QR Prezidenti Nursultan Nazarbaev 2015 jyldyń 22 sáýiri kúni QHA-nyń XXII sessiiasy barysynda.
.jpeg)