Sýret: ashyq derekkóz
«Qazgidromet» RMK Qazaqstan aimaqtarynda bolatyn qaýipti meteorologiialyq qubylystarǵa boljam jasady. 10 maýsymda elimizdiń birqatar oblystarynda qatty ystyq kútiledi.
«Qazgidromet» RMK málimeti boiynsha, atmosferalyq fronttardyń ótýimen QR territoriiasynyń basym bóliginde áli de turaqsyz aýa-raiy saqtalady. Naizaǵaimen jańbyr, elimizdiń soltústiginde – qatty jańbyr jaýady, burshaq, daýyl kútiledi. Respýblika boiynsha jel kúsheiýi múmkin.
Kúndiz Almaty, Batys Qazaqstan, Atyraý, Mańǵystaý, Qyzylorda oblystarynda, Jetisý, Ulytaý, Jambyl oblystarynda, Aqtóbe oblysynyń jáne Abai oblysynyń ońtústiginde, Túrkistan oblysynyń shóldi aýdandarynda qatty ystyq kútiledi.
Mańǵystaý, Túrkistan, Jambyl, Almaty oblystarynda jáne Jetisý, Ulytaý oblystarynda, Qyzylorda oblysynyń batysynda, soltústiginde, Aqtóbe oblysynyń batysynda, Qostanai, Batys Qazaqstan, Abai oblystarynyń ońtústiginde, Qaraǵandy, oblysynyń otalyǵynda joǵary órt qaýipi saqtalady.
Atyraý, Túrkistan oblystarynda, Batys Qazaqstan oblysynyń batysynda, Qyzylorda oblysynyń ońtústiginde, soltústik-shyǵysynda, ortalyǵynda, Mańǵystaý oblysynyń soltústiginde, shyǵysynda, ortalyǵynda, Aqtóbe oblysynyń ońtústiginde, Jambyl oblysynyń shyǵysynda, batysynda tótenshe órt qaýipi kútiledi.
