Ulttyq qordyń aktivterine shekteý qoiý týraly sheshimniń kúshi joiyldy, dep habarlaidy "Ult aqparat" Qazaqstan Respýblikasy Ádilet ministrliginiń baspasóz qyzmetine silteme jasap.
2018 jylǵy 23 qańtarda Amsterdam qalasy Okrýgtik soty Bank of New York Mellon bankiniń kastodialdyq saqtaýyndaǵy Ulttyq qordyń aktivterinen shekteýdi joiý jónindegi Qazaqstan Respýblikasy Ulttyq bankiniń ótinishhatyn qanaǵattandyrdy.
"Sot Ulttyq banktiń jáne protseste úshinshi tarap retinde qatysqan Qazaqstan Respýblikasy Ádilet ministrliginiń ustanymyn moiyndap, Ulttyq qorǵa qol suǵylmaityndaǵyn málimdedi", deidi ministrlik ókilderi.
Niderlandynyń sot organdary budan buryn Statige dál osy aktivterge shekteý qoiýdan bas tartqan bolatyn. Stati bul faktilerdi jasyra otyryp, sotty jańylystyrǵan.
Sonymen qatar, sot Statige qazaqstandyq tarapqa sot shyǵyndaryn óteýin uiǵardy.
Ministrliktiń habarlaýy boiynsha, Belgiianyń sot organdary da osyndai aldyn ala shekteý qoidy. Oǵan shaǵym jasaý jónindegi jumys belgilengen tártipte jalǵastyrylýda.
