Budan bylai plastik paket qoldanýǵa tyiym salynady

Foto: depositphotos.com

Ózbekstanda 2027 jyldan bastap polietilen paketterin óndirýge, ákelýge jáne paidalanýǵa tyiym salynýy múmkin, - dep habarlaidy Ult.kz, Massaget.kzke silteme jasap.

Bul bastama 2025-2027 jyldarǵa arnalǵan plastikpen lastanýdy azaitý jónindegi ulttyq baǵdarlamanyń jobasyna engizilgen. Zań 2027 jyly qabyldanbaq.

Plastikalyq paketke balama retinde ekologiialyq taza (biologiialyq ydyraityn) paketterdi paidalanýdy yntalandyrý usynyldy.

Sondai-aq plastmassa buiymdaryn óndirýde qaýipti himiialyq zattardy qoldanýdy qysqartý jáne qaptamadaǵy qaita óńdelgen plastiktiń úlesi úshin koeffitsient engizý kózdelip otyr.

Qujat 2025 jylǵy qyrkúiekke deiin ázirlenip, qarashaǵa deiin ministrler kabinetine engizilýi kerek.

Aita keteiik, búginde júzden astam elde bir rettik polietilen paketterge tolyq nemese ishinara tyiym salynǵan.

Sonymen qatar Qyrǵyzstan 2027 jyldan bastap polietilen paketterin óndirýdi jáne satýdy toqtatpaq. Plastikalyq paketter men buiymdar óndirisine tyiymdy buzǵany úshin azamattarǵa 10 myń som (shamamen 114 dollar), zańdy tulǵalarǵa 28 myń (315 dollardan astam) aiyppul salynady.