Qazaqstannyń birinshi, álemniń 38-raketkasy Aleksandr Býblik Ýimbldon týrniriniń úshinshi ainalymyna shyqty, dep habarlaidy "Ult aqparat".
Býblik ekinshi ainalymda álemniń 21-inshi, osy «Úlken dýlyǵa» jarysynyń 18-raketkasy, bolgariialyq Grigor Dimitrovpen sheberlik baiqasty.
Buǵan deiin qarsylastar 2019 jyly Chendý jarysynda kezdesip, onda qazaqstandyq tennisshi jeńiske jetken edi.
Bul joly da Býblik senimdi oinap, ataqty qarsylasyn 6:4, 7:6 (8:6), 7:6 (7:4) esebimen tize búktirdi.
Tartysty ótken báseke 2 saǵat 26 minýtqa sozyldy.
Match barysynda Býblik 34 eis jasap, 6 breik-pointtyń bireýin paidalana bildi. Bolgariialyq sportshy 4 eis jasap, 5 breik-pointtyń birde-bireýin júzege asyra almady.
Budan buryn Býblik Ýimbldon týrnirine eki ret qatysyp, alǵashqy ainalymnan asa almaǵan edi.
Qazaqstandyq tennisshi tórtinshi ainalymǵa shyǵý úshin álemniń 18-inshi, jarystyń 14-raketkasy, Polsha ókili Hýbert Hýrkach nemese reitingte 66-satydaǵy amerikalyq Markos Gironnyń bireýimen talasady.
2019 jyly Ýimbldonda serbiialyq Novak Djokovich chempion atanǵan edi. Ótken jyly doda pandemiiaǵa bailanysty ótken joq. Biylǵy jeńimpaz 1,7 mln fýnt sterling tabady.
