QR Premer-Ministri Baqytjan Saǵyntaev Úkimet otyrysy barysynda jylýmen qamtý nysandarynyń paidalanylýy men tehnikalyq kúiin baqylaý men qadaǵalaýdy úkimettik deńgeide kúsheitýdi tapsyrdy, "Ult aqparat" baspasóz qyzmetine silteme jasap.
Otyrysty ashqan QR Premer-Ministri Baqytjan Saǵyntaev Úkimet atynan Qaraǵandy oblysynyń Shahan kentinde oryn alǵan qaiǵyly oqiǵanyń saldarynan qaitys bolǵandardyń týǵan-týystary men jaqyndaryna kóńil aitty.
Eske salaiyq, jylytý qazandyǵynyń jarylýy saldarynan bes qabatty turǵyn úidiń bir bóligi qulaǵan bolatyn, sonyń saldarynan 9 adam qaza taýyp, taǵy eki adam jaralandy. Sonymen qatar, birer kún buryn Shymkenttegi jeke menshik turǵyn úide de jarylys boldy.
«Memleket basshysy Qaraǵandy oblysynyń ákimine, sonymen qatar ókiletti memlekettik organdarǵa barlyq zardap shekkenderge jan-jaqty kómek kórsetý úshin shuǵyl sharalar qabyldaý týraly tapsyrma berdi. Qazir apat sebepterin tergeý boiynsha vedomstvoaralyq komissiia jumys istep jatyr. Búgin men osy jumystardyń alǵashqy nátijeleri týraly bilgim keledi», - dedi B.Saǵyntaev
Óz baiandamalary barysynda QR ishki ister ministri Q.Qasymov pen Qaraǵandy oblysynyń ákimi N.Ábdibekov júrgizilgen tergeýler nátijeleri týraly aitty, Ońtústik Qazaqstan oblysynyń ákimi J.Túimebaev pen turǵyn úilerde, mektepter men aýrýhanalarda qazandyqtar ornatylǵan keibir aimaqtardyń ákimderi de baiandama jasady. Olardyń ishinde Aqmola jáne Almaty oblystarynyń ákimderi de bar.
Sonymen qatar, QR ulttyq ekonomika ministri T.Súleimenov óz baiandamasynda bolashaqta mundai apatty jaǵdailarǵa jol bermeý boiynsha usynystaryn bildirdi.
Baiandamalardyń qorytyndysy boiynsha QR Premer-Ministri Baqytjan Saǵyntaev QR IIM-ine memlekettik organdarmen jáne ákimdiktermen birlesip kópqabatty turǵyn úilerdegi, ásirese, bilim jáne áleýmettik sala nysandaryndaǵy barlyq jylý qazandyqtaryna tekserý júrgizýdi tapsyrdy. Sonymen qatar B.Saǵyntaev ulttyq ekonomika, ishki ister, investitsiialar jáne damý, energetika ministrlikterine jylýmen qamtý nysandarynyń paidalanylýy men tehnikalyq kúiin baqylaý men qadaǵalaý fýnktsiialaryn kúsheitý boiynsha naqty usynystar engizýdi tapsyrdy.
QR Premer-Ministriniń birinshi orynbasary A.Maminge osy jumystardy úilestirý jáne atalǵan máselelerdi sheshý úshin júieli sharalardy ázirleý úshin jedel jumys tobyn qurý tapsyryldy.
