Eýropanyń eń iri áýe kompaniialarynyń biri British Airways koronavirýs pandemiiasyna bailanysty týyndaǵan daǵdarys saldarynan óz qyzmetkerleriniń tórtten bir bóliginen astamyn qysqartýy múmkin.
Seisenbi kúni jasaǵan málimdemesinde IAG (ICAGY) quryltaishy kompaniiasy British Airways-tyń óz kásipodaqtaryna qyzmetkerlerdiń kóp bóligine qatysty bolatyn jáne «12 myńǵa deiin qyzmetkerdiń jumystan shyǵarylýyna soqtyratyn» qaita qurylymdaý baǵdarlamasy týraly eskertip otyrǵany jazyldy. Bul týraly CNN habarlady.
Quramyna British Airways pen Ispaniianyń Iberia áýe kompaniiasy kiretin IAG kompaniianyń birinshi toqsandaǵy tabysy 13 paiyzǵa, 4,6 mlrd eýroǵa (5 mlrd AQSh dollary ) deiin tómendegenin, al aǵymdaǵy shyǵyndar 535 mln eýrony (579 mln AQSh dollary) quraǵanyn málim etti.
Ekinshi toqsandaǵy shyǵyndar odan da kóp bolatyny jáne «jolaýshylar aǵynyn 2019 jylǵy deńgeige deiin qalpyna keltirý birneshe jyl ýaqyt alatyny» kútilip otyr.
Lufthansa (DLAKY) áýe kompaniiasy da buǵan deiin osy aida áýe parkin qysqartyp, biýdjettik iýe jelileriniń birin jaýyp otyrǵany týraly jariialaǵan. Lufthansa Germaniia, Shveitsariia, Avstriia jáne Belgiia elderindegi birqatar ulttyq áýe tasymaldaýshylaryna ie.
Airbus kompaniiasy Eýropadaǵy 6000 qyzmetkerin jumystan shyǵardy.
Áýe kóligi Halyqaralyq qaýymdastyǵynyń aitýynsha, tasymaldaýshylar tap bolǵan «ósip kele jatqan qarjy daǵdarysy» biylǵy jyly tabystyń 55 paiyzǵa nemese shamamen 314 mlrd dollarǵa tómendeýine ákelýi múmkin.
Buǵan deiin osy aida British Airways 30 000 qyzmetkerin demalysqa shyǵaryp, olar mamyr aiynyń sońyna deiin jalaqynyń 80 paiyzyn alǵan bolatyn, al Ulybritaniia úkimeti koronavirýs pandemiiasy saldarynan jumys oryndaryn saqtap qalý baǵdarlamasynyń aiasynda alǵashqy 2500 fýnt sterling (3100 AQSh dollary) tóledi.
Áýe kóligi Halyqaralyq qaýymdastyǵynyń málimetinshe, Eýropada jolaýshylar tasymaly salasyndaǵy daǵdarys 6,7 mln jumys orny úshin qaýip týdyrtyp otyr.
Juma kuni Air France-KLM (AFLYY) Frantsiia úkimeti jáne bankterimen «birneshe apta talqylaǵan soń» daǵdarystan ótýge arnalǵan qaryz retinde 7 milliard eýro (7,6 milliard AQSh dollary) alǵanyn málimdedi.
