Esseks graftyǵynyń Tarrok qalasynda konteinerlik júk kóliginen 39 adamnyń denesi tabyldy. Olardyń 38-i – eresek, bireýi - jasóspirimniń múrdesi, dep habarlaidy britandyq «Independent» gazeti.
Politsiianyń boljamy boiynsha, júk kóligi Bolgariiadan kelip, Ýels graftyǵynyń Holihed porty arqyly el aýmaǵyna 19 qazanda kirgen.
Jergilikti politsiianyń málimetinshe, quqyqqorǵaý organdary qylmystyq is qozǵaǵan. 25 jastaǵy soltústikirlandiialyq, júk kóliginiń júrgizýshisi adam óltirdi dep aiyptalyp otyr. Máiitterdi sáikestendirý protsesi bastalyp ketti. Alaida politsiia bul is uzaqqa sozylýy múmkindigin boljap otyr.
«Essekste bolǵan qaiǵyly oqiǵa meni qatty kúizeltti. Oqiǵa ornynan sońǵy jańalyqtardy turaqty túrde alyp otyramyn. Ishki ister ministrligi naqty ne bolǵanyn anyqtaý úshin Esseks politsiiasymen tyǵyz bailanysta bolady», - dep jazdy Twitter-degi paraqshasynda Ulybritaniia premer-ministri Boris Djonson.
