Essekstegi oqiǵadan birneshe apta ýaqyt ótken soń Britaniiada júk kóliginen 15 adam tabyldy, dep habarlaidy CNN.
«Angliianyń ońtústik batysynda júk kóliginen tabylǵan 15 adam memleketke zańsyz kirdi degen kúdikpen qamaýǵa alyndy», dep jazady basylym. Avtordyń aitýynsha, júk kóliginiń júrgizýshisi, 50 jastaǵy Irlandiia azamaty da olarǵa kómek kórsetkeni úshin qamaýǵa alyndy. Politsiianyń habarlaýynsha, júk kóliginen tabylǵan 16 men 30 jos aralyǵyndaǵy er adamdardyń qai memleket azamattary ekeni áli belgisiz.
Bul oqiǵa Essekste júk kóliginen 39 adamnyń denesi tabylǵannan keiin birneshe aptadan soń bolyp otyr. Osy aptada Vetnam politsiiasy oqiǵaǵa orai segiz adamdy qamaýǵa alǵanyn habarlaǵan edi. Sonymen qatar júk kóliginiń júrgizýshisi, 25 jastaǵy Mo Robinson ótken aida sot aldynda jaýap berdi.
