Pandemiia jylynda britaniialyq politsiia Covid-19 virýsymen tikelei bailanysty 6 myńnan astam qylmysty tirkedi, dep habarlaidy BBC.
Buǵan ulttyq densaýlyq saqtaý júiesiniń (NHS) kompiýterlerin buzý, vaktsinany jetkizý júiesine hakerlik shabýyldar, vaktsinatsiia naýqanyna aralasý, bopsalaý jáne jelidegi bopsalaý kiredi.
Mysaly, kiberqylmyskerler aýrýhanalardyń jedel járdem júiesine ziiandy baǵdarlamalyq qamtýdy engizýdi úirengen jáne ony tek kóp aqsha berse ǵana alyp tastaýǵa kelisedi.
Sondai-aq jekelegen azamattarǵa qatysty qylmystardyń sany da kúrt ósti.
Politsiianyń málimetinshe, 2020 jyldyń 1 naýryzynan bastap qylmyskerler alaiaqtyq shemalar arqyly Britan araldarynyń turǵyndarynan 34,5 million fýnt sterling urlap alǵan.
Sebebi, karantin ýaqytynda adamdar tek onlain rejiminde satyp ala bastady jáne meken-jailaryn azyq-túlik jetkizý qyzmetteri nemese jelidegi ártúrli satýshylarǵa bere bastady.
Mysaly, kóptegen adamdardy aqshasynan aiyrǵan alaiaqtardyń sońǵy iri shemasy halyqtyń poshta qyzmetterin jii paidalanýyna bailanysty qurylǵan. Kiberqylmyskerler koroldik poshta saityna uqsas sait quryp, adamdarǵa olardyń sálemdemeleri jergilikti poshta bólimshesinde ekendigi týraly habarlamalar jibergen. Alaida keibir jańa sharttar boiynsha aldymen bir-eki fýnt tóleý kerek delingen.
Habarlamada tólem jasaý úshin koroldik poshtanyń jalǵan saityna silteme jasalǵan, onda birneshe aila-sharǵy jasaý arqyly alaiaqtar paidalanýshynyń banktik derekterine qol jetkizgen.
Tanysý saittarynda bopsalaý áreketteri kóbeigen. Qylmyskerler lokdaýnǵa bailanysty jalǵyz qalǵan adamdardyń osaldyǵyn paidalanýda. Internette tanysqannan keiin, olar biraz ýaqyttan keiin birlesken demalys, emdelý jáne t.b. aqsha aýdarýǵa májbúrleýdiń jolyn tabady.
