2020 jyldyń basynda Ulybritaniia ekonomikasy 1979 jyldan bergi eń tómengi deńgeige deiin qysqardy, dep habarlaidy Reuters.
Ulttyq statistika basqarmasy Jalpy ishki ónimniń qańtardan naýryzǵa deiin 2,2%-ǵa tómendegenin málimdedi. Bul Reuters ekonomisteriniń boljamynan da tómen bolyp shyqty (2%).
Premer-ministr Boris Djonson seisenbi kúni Britaniia ekonomikasyn qalpyna keltirýdi jyldamdatý boiynsha óz josparyn usynady. Infraqurylymǵa 5 mlrd fýnt sterling (6,13 mlrd dollar) investitsiia tartý kózdelip otyr.
Angliia banki biyl ekonomikalyq quldyraý sońǵy úsh ǵasyr ishindegi eń tómengi deńgeige jetýi múmkin dep málimdedi.
