- Eýroparlament 23 maýsymdaǵy referendýmda Eýroodaqtan shyǵýǵa qarsy daýys bergen Ulybritaniia quzyryndaǵy azamattarǵa EO azamattyǵyn satyp alýǵa ruqsat etý jaily bastama daiyndap jatyr.
Bul týraly búgin The Times gazetiniń elektrondy nusqasy Eýroparlamenttegi liberaldar men demokrattar fraktsiiasynyń kóshbasshysy, Belgiianyń burynǵy premer-ministri Gi Verhofstadt málimdemesine silteme jasap habarlady.
«Meniń oiymsha, eýropalyq azamattyǵyn saqtap qalǵysy keletin jandarǵa múmkindik berilýi tiis», - dedi Verhofstadt. Saiasatkerdiń aitýynsha, Eýroparlament atalǵan bul bastamaǵa jyl sońyna deiin daýys beredi, odan keiin jospardy EO múshe-memleketter maquldaýy tiis.
Usynysqa sáikes, Eýroodaq azamattary bolyp qalǵysy keletin britandyqtar jyl saiyn EO biýdjetine ózderi jarna tólep turýy qajet. Sonda olarda EO aýmaǵyna kóshý jáne ómir súrý jáne eýropalyq sailaýlarǵa qatysý quqyǵy bolady. Munymen qatar, Verhofstadttyń ózi bul bastamany júzege asyrýda zańdyq qiyndyqtar kezdesetinin jasyrmady.
