QR Premer-Ministri Asqar Mamin «One Web» britandyq kompaniiasynyń direktorlar keńesiniń tóraǵasy Sýnil Mittaldy qabyldady, dep habarlaidy "Ult aqparat".
S. Mittal óristetilip jatqan «One Web» jahandyq spýtniktik jeli sheńberinde qolǵa alynǵan Baiqońyr ǵarysh ailaǵynan spýtnikterdi ushyrý jónindegi jumystardyń barysy týraly baiandady.
Qazirgi ýaqytta ǵaryshqa 110 spýtnik ushyryldy. 2021-2022 jyldary Baiqońyr ǵarysh ailaǵynan 8-den astam ushyrýdy júzege asyrý josparlanyp otyr.
«One Web» jahandyq spýtniktik jelisi 1200 km biiktiktegi 18 orbitalyq jazyqtyqtaǵy 648 spýtnikten turatyn bolady. 2021 jyldyń sońynda spýtniktik jelini tolyq paidalanýǵa berý jáne oǵan QR aýmaǵyna qyzmet kórsetý kútilýde.
Taraptar Qazaqstan aýmaǵyn, onyń ishinde shalǵaidaǵy jáne qatynasý qiyn aýdandardy bailanys spýtnikteri arqyly joǵary jyldamdyqty keń jolaqty Internetpen jappai qamtý jónindegi jobany iske asyrý perspektivasyn talqylady.
Nur-Sultan qalasyndaǵy Ulttyq ǵarysh ortalyǵy janyndaǵy Ǵarysh apparattaryn qurastyrý-synaý kesheni bazasynda «One Web» spýtnikteri úshin jiyntyqtaýyshtardy qurastyrý jónindegi jobany iske asyrý barysy, sondai-aq Ortalyq Aziia elderine keiinnen «One Web» spýtniktik internetin ekskliýzivti distribýtsiialaý úshin Qazaqstan aýmaǵynda shliýz stantsiiasyn ornalastyrý boiynsha birlesken kásiporyn qurý máselesi qaraldy.
Kezdesýge Strategiialyq josparlaý jáne reformalar agenttiginiń tóraǵasy – AHQO basqarýshysy Qairat Kelimbetov, sondai-aq tsifrlyq damý, innovatsiialar jáne aeroǵarysh ónerkásibi ministri Baǵdat Mýsin qatysty.
«One Web» kompaniiasy Internet jelisine qoljetimdilik jáne derekterdi joǵary jyldamdyqpen berý (paidalanýshy terminalyna 5-50 Mbit/s) boiynsha qyzmetterdi usyný úshin jahandyq tómen orbitalyq spýtniktik jelini quraidy.
