Ulybritaniianyń «Sage» ǵylymi-keńes berý tobynyń jetekshi músheleri bul sharany 1,5 metrden 3 jáne odan da uzaǵyraq qashyqtyqqa ulǵaitýdyń ýaqyty keldi dep sanaidy. Sonymen qatar, olar jańa, Naýryz aiyndaǵydan góri qatal lokdaýn engizý ýaqyty keldi dep esepteidi, dep jazady VAK baspasóz qyzmeti.
Eldiń densaýlyq saqtaý ministri Mett Hankok «bilik qajet bolǵan jaǵdaida karantindi odan ári qataitý múmkindigin joqqa shyǵarmaitynyn» málimdedi.
Mundai pikir elde dúisenbi kúni COVID-19-dan taǵy da 529 adamnyń qaitys bolýynan týyndyǵan, bul ótken aptamen salystyrǵanda 30 paiyzǵa kóp. Bul - pandemiia bastalǵaly qaza tapqandar sany boiynsha eń joǵarǵy kórsetkish.
Kóptegen adamdar ashyq aýada jattyǵýlarǵa berilgen ruqsatty dostarymen kezdesý múmkindigi retinde paidalanady, buǵan qazirgi ýaqytta múldem jol berilmeýi tiis, deidi bilik.
Sońǵy jeti kúnde Ulybritaniiada ortasha eseppen 931 adam qaitys bolǵan. Aldyńǵy eń joǵary aptalyq kórsetkish – 920 adam – sáýir aiynda, koronavirýstyń birinshi tolqyny kezinde tirkelgen bolatyn.
