Britan parlamentiniń qaýymdar palatasy Brekzit týraly zań jobasyn úshinshi oqylymda qabyldady. Endi qujat lordtar palatasyna jiberiledi. Parlamenttiń joǵary palatasy kelesi apta basynda qujatty talqylai bastaidy dep aitylady.
Zań jobasy premer-ministr Boris Djonsonnyń qazan aiynda Briýsselmen maquldaǵan kelisimine negizdelgen. Biraq ol nusqadan birqatar aiyrmashylyqtary da bar. Ol kezde zań jobasyna tosqaýyl qoiylyp, aqyrynda kezekten tys parlament sailaýy belgilengen. 12 jeltoqsanda ótken parlament sailaýynda Djonson jetekshilik etetin konservatorlar jeńiske jetti.
Zań jobasy 2020 jyldyń 31 qańtaryna deiin Ulybritaniiany Eýroodaqtan shyǵarýdy kózdeidi, odan keiin jańadan saýda-sattyq týraly kelissózder bastalady. Oppozitsiia taraptar kelesi jyldyń sońyna deiin muny jasap úlgermeidi dese, Djonson úlgeretinine senimdi.
