بريتان پارلامەنتٸنٸڭ قاۋىمدار پالاتاسى برەكزيت تۋرالى زاڭ جوباسىن ٷشٸنشٸ وقىلىمدا قابىلدادى. ەندٸ قۇجات لوردتار پالاتاسىنا جٸبەرٸلەدٸ. پارلامەنتتٸڭ جوعارى پالاتاسى كەلەسٸ اپتا باسىندا قۇجاتتى تالقىلاي باستايدى دەپ ايتىلادى.
زاڭ جوباسى پرەمەر-مينيستر بوريس دجونسوننىڭ قازان ايىندا بريۋسسەلمەن ماقۇلداعان كەلٸسٸمٸنە نەگٸزدەلگەن. بٸراق ول نۇسقادان بٸرقاتار ايىرماشىلىقتارى دا بار. ول كەزدە زاڭ جوباسىنا توسقاۋىل قويىلىپ, اقىرىندا كەزەكتەن تىس پارلامەنت سايلاۋى بەلگٸلەنگەن. 12 جەلتوقساندا ٶتكەن پارلامەنت سايلاۋىندا دجونسون جەتەكشٸلٸك ەتەتٸن كونسەرۆاتورلار جەڭٸسكە جەتتٸ.
زاڭ جوباسى 2020 جىلدىڭ 31 قاڭتارىنا دەيٸن ۇلىبريتانييانى ەۋرووداقتان شىعارۋدى كٶزدەيدٸ, ودان كەيٸن جاڭادان ساۋدا-ساتتىق تۋرالى كەلٸسسٶزدەر باستالادى. وپپوزيتسييا تاراپتار كەلەسٸ جىلدىڭ سوڭىنا دەيٸن مۇنى جاساپ ٷلگەرمەيدٸ دەسە, دجونسون ٷلگەرەتٸنٸنە سەنٸمدٸ.
