Britandyq Parlamentte Qurama Koroldiktiń Ortalyq Aziia elderimen yntymaqtastyǵyn keńeitý máselelerine arnalǵan onlain-konferentsiia ótti, dep habarlaidy QR SIM baspasóz qyzmeti.
Kezdesýdi eń yqpaldy parlamenttik birlestikterdiń biri – Parlamentaralyq odaǵynyń Britandyq toby (POBT) uiymdastyrdy. Pikiralmasýdyń moderatory britan Parlamentiniń Qaýymdar palatasynyń múshesi jáne POBT qazynashysy Aleks Sobel boldy.
Kezdesýge britan Parlamentiniń 20-ǵa jýyq múshesi, onyń ishinde Qazaqstanmen yntymaqtastyq jónindegi jalpypartiialyq parlamenttik tobynyń tóraǵasy Bob Stiýart, sondai-aq Qurama Koroldikte akkredittelgen Ortalyq Aziia elderiniń elshileri qatysty.
Qazaqstan Elshisi Erlan Ydyrysov biylǵy jyl Qazaqstan Respýblikasy men basqa da Ortalyq Aziia elderi Táýelsizdiginiń 30 jyldyǵy ekendigin atap ótti. Otandyq diplomattyń aitýynsha, osy jyldar ishinde elimiz ózin álemdik qoǵamdastyqtyń senimdi seriktesi retinde kórsete bildi. Ol sondai-aq Qazaqstanda júrgizilip jatqan, eldiń saiasi institýttaryn odan ári demokratiialandyrýǵa jáne damytýǵa baǵyttalǵan saiasi reformalar memlekettiń udaiy evoliýtsiialyq damýy baǵytynyń jalǵasy ekendigin atap ótti.
Ekonomikalyq reformalar týraly aita kele, E.Ydyrysov el úshin basymdyq resýrsqa táýeldilikten arylý maqsatynda ekonomikany odan ári ártaraptandyrý bolyp tabylatynyn atap ótti. Bul turǵyda aýmaǵynda britandyq quqyq normalary qoldanylatyn «Astana» halyqaralyq qarjy ortalyǵy – Qazaqstan aýmaǵynda tanylǵan halyqaralyq qarjy jáne saýda habyn damytý úshin strategiialyq qural, sondai-aq «Beldeý jáne jol» bastamasyn qosa alǵanda, jańa investitsiialyq jobalardy iske asyrý úshin mańyzdy demeý.
Parlamentaralyq odaǵynyń Britandyq toby 1889 jyly qurylǵan. Top missiiasy – Ulybritaniianyń halyqaralyq qatynastaryn keńeitýge, saýda men turaqty ekonomikalyq damýǵa, beibitshilik pen qaýipsizdikti saqtaýdyń tiimdi jahandyq tetikterine parlamenttik qoldaý kórsetýge baǵyttalǵan. Toptyń quramyna Ulybritaniianyń barlyq saiasi partiialaryn ókildik etetin Qaýymdar palatasy men Lordtar palatasynyń depýtattary kiredi.
