Qaza bolǵan adamnyń denesin ustap otyrǵan er adam. Aleppo, 23 qyrkúiek 2016 jyl.
"Resei Siriiadaǵy soǵystyń jalǵasýyna kináli jáne gýmanitarlyq júk apara jatqan halyqaralyq kerýendi bombalaǵan kezde áskeri qylmys jasaǵan bolýy yqtimal", - dep málimdedi búgin Ulybritaniia syrtqy ister ministri Boris Djonson VVS-ge suhbatynda.
31 júk kóliginen turatyn kerýen qyrkúiektiń 19-yna qaraǵan túni shabýylǵa ushyrap, saldarynan jiyrmaǵa jýyq beibit turǵyn qaza tapqan. AQSh ókilderi áýe shabýyly úshin reseilik ushaqtar jaýapty dep sanaidy, biraq Máskeý bul oqiǵaǵa qatysy baryn joqqa shyǵarady.
«[Resei] bul soǵystyń sozylyp ketýine kináli jáne barǵan saiyn jiirkenishti ister jasap otyr» degen Djonson jeksenbilik «Endriý Marra shoýy» telebaǵdarlamasynda.
Djonson Aleppoǵa gýmanitarlyq júk apara jatqandardy bombalaý oqiǵasyna bul kinási joq azamattyq nysan ekenin bile tura ádeii jasalǵan shabýyl ma degen turǵydan baǵa berýimiz kerek degen. «Eger solai bolyp shyqsa, onda bul áskeri qylmys» dep málimdegen ol.
