قازا بولعان ادامنىڭ دەنەسٸن ۇستاپ وتىرعان ەر ادام. الەپپو, 23 قىركٷيەك 2016 جىل.
"رەسەي سيريياداعى سوعىستىڭ جالعاسۋىنا كٸنەلٸ جەنە گۋمانيتارلىق جٷك اپارا جاتقان حالىقارالىق كەرۋەندٸ بومبالاعان كەزدە ەسكەري قىلمىس جاساعان بولۋى ىقتيمال", - دەپ مەلٸمدەدٸ بٷگٸن ۇلىبريتانييا سىرتقى ٸستەر مينيسترٸ بوريس دجونسون ۆۆس-گە سۇحباتىندا.
31 جٷك كٶلٸگٸنەن تۇراتىن كەرۋەن قىركٷيەكتٸڭ 19-ىنا قاراعان تٷنٸ شابۋىلعا ۇشىراپ, سالدارىنان جيىرماعا جۋىق بەيبٸت تۇرعىن قازا تاپقان. اقش ٶكٸلدەرٸ ەۋە شابۋىلى ٷشٸن رەسەيلٸك ۇشاقتار جاۋاپتى دەپ سانايدى, بٸراق مەسكەۋ بۇل وقيعاعا قاتىسى بارىن جوققا شىعارادى.
«[رەسەي] بۇل سوعىستىڭ سوزىلىپ كەتۋٸنە كٸنەلٸ جەنە بارعان سايىن جيٸركەنٸشتٸ ٸستەر جاساپ وتىر» دەگەن دجونسون جەكسەنبٸلٸك «ەندريۋ ماررا شوۋى» تەلەباعدارلاماسىندا.
دجونسون الەپپوعا گۋمانيتارلىق جٷك اپارا جاتقانداردى بومبالاۋ وقيعاسىنا بۇل كٸنەسٸ جوق ازاماتتىق نىسان ەكەنٸن بٸلە تۇرا ەدەيٸ جاسالعان شابۋىل ما دەگەن تۇرعىدان باعا بەرۋٸمٸز كەرەك دەگەن. «ەگەر سولاي بولىپ شىقسا, وندا بۇل ەسكەري قىلمىس» دەپ مەلٸمدەگەن ول.
