Ulybritaniianyń áskeri barlaý qyzmeti "Resei Ýkrainadaǵy soǵysqa jibergen jaiaý áskeriniń shamamen úshten birinen aiyryldy" dep sanaidy.
Bul jóninde Ulybritaniia qorǵanys ministrliginiń soǵys jaily jariialaǵan kezekti habarlamasynda aitylady. Resei áskeriniń osynsha kóp shyǵynǵa ushyraǵany jaily málimet alǵash ret aitylyp otyr, dep habarlaidy Azattyq.
Ýkraina tarabynyń málimetinshe, Resei 20 myńnan astam soldatynan aiyrylǵan. Soǵys jaǵdaiynda mundai málimetterdi tekserý qiyn. Ashyq derekkózderde qaza bolǵan myńdaǵan soldattyń aty-jóni anyqtalǵan.
Kreml Reseidiń "edáýir shyǵynǵa" ushyraǵanyn moiyndaǵan. Eldiń qorǵanys ministrligi sońǵy ret qaza bolǵandar jaily málimetti naýryz aiynda jariialady. Ol kezde myńnan astam soldattyń qaza bolǵany aitylǵan.
Resei Ýkrainaǵa basyp kirmei turǵanda shekaraǵa 150 myń soldatyn ákelgeni habarlanǵan edi.
Britan barlaýshylary qazirgidei shyǵynmen jáne logistika máselesimen Resei Donbasta iri shabýylǵa bara qoimaidy dep sanaidy. Federatsiia áskeri keiingi ailarda "iri jetistikke" jetken joq.
Ýkraina qarýly kúshteriniń habarlaýynsha, Resei áskeri Donetsk jáne Lýgansk oblystarynda keibir aýdandarda shabýyl jasaýyn toqtatpaǵan. Atap aitqanda, Liman, Severodonetsk, Avdeevka jáne Kýrahov eldi mekenderin baqylaýǵa alýǵa talpynyp jatyr. Harkov oblysy ákimshiligi jetekshisiniń aitýynsha, ýkrain áskeri Iziým baǵytynda kontrshabýylǵa kóshken.
Osyǵan deiin ýkrain áskeriniń kontrshabýyly saldarynan Resei kúshteri Harkov túbindegi birqatar eldi mekenderden ketken. Keibir aýmaqta ýkrain áskeri orystardy Resei shekarasyna deiin tyqsyrǵan.
Resei qorǵanys ministrligi keiingi kezde orys áskeriniń qadamy jaily múlde habarlamaityn bolǵan. Ýkraina jaǵy da, birqatar reseilik sarapshylar da Resei áskeriniń Belogorovka túbindegi Severskii Donets ózenine baqylaý ornatýǵa tyrysqan kezde kóp adam shyǵynyna batqanyn habarlady. Resei qorǵanys ministrligi buǵan resmi túsinikteme bermedi.
Eske salaiyq, Resei Ýkrainaǵa 24 aqpanda basyp kirgen. Orys áskeri soǵystyń alǵashqy kúnderi Herson qalasy men Ýkraina ońtústigindegi birqatar aýmaqty, Lýgansk oblysyn baqylaýǵa alyp, "iri jetistikterge" jetken. Keiin olar Ýkrainanyń soltústiginen ketip, qazir Harkov mańyna shoǵyrlanǵan. Al Donbasta soǵys sozylyńqy sipat aldy.
