Kollaj Sport Shriodingera saitynan alyndy
Áleýmettik jelide qazaqstandyq "Qairat" komandasynyń jankúierleri búgin, 30 qyrkúiekte ótetin "Qairat" jáne "Real Madrid" fýtbol komandalary arasyndaǵy kezdesýde "Qairat" jeńetin bolsa túrli syilyqtar taratatyndaryn aityp jatyr. Bul týraly Ult.kz habarlaidy.
Solardyń bir toby ruslan_kuliman paraqshasyna jazǵan. Olardyń arasynda aqshalai syilyqtan bastap, uialy telefon, azyq-túlik, kiim-keshek, kitap jáne basqa da syilyqtar taratatyndar bar eken.
Márt jandardyń arasynda "Qairat" jeńse, 1 adamǵa 1 aiǵa jetetin azyq-túlik áperemin", "qoldyń shujyǵyn syilaimyn", "bálish pisirip beremin", "shai syilaimyn" - dep jatqandar bar.
Sonymen qatar olardyń ishinde jankúierlerdi iri syilyqpen qýantqysy kelgender de tabyldy. Jeli qoldanýshylardyń biri: "Koreiadan bir avtokólik jiberemin", - dese, taǵy biri: "Alla qalasa Qairat jeńse osy jerde otyrǵan 4 qyz kelinshekterge brilliant jemchýg naboryn syilaimyn. Sóz beremin", - dep ýáde etti.
Jankúierlerdiń arasynda ózine ýáde berip jatqandar da boldy. Mysaly jeli qoldanýshylardyń biri búgingi matchta "Qairat" jeńiske jetse óz nesiesin merziminen buryn jabamyn dep otyr. Taǵy biri bir táýlikte 100 myń qadam jasaýǵa, endi biri júgirýdi bastaýǵa bekingen, al ai-kúni jaqyndaǵan áiel bosanýdy niet etken, sondai-aq tipti turmysqa shyǵýǵa da sóz bergender bar eken.
Olardyń arasynda atpen serýendeýge, 10 adamǵa qonaqúide demalýǵa, 10 adamǵa SPA salonǵa, monshaǵa sertifikat syilaǵysy keletinder de bar.
Tipti kiim-keshek te tegin taratýǵa ýáde etkender kezdesti.
Eske salsaq, "Qairat" fýtbol komandasy aldaǵy oiynda "Real Madridti" jeńetin bolsa syilyq syilaimyn dep alǵash málimdegen belgili kásipker Tursyn Alagózov bolatyn. Ol "Qairattyń" árbir oiynshysyna bir-bir avtokólikten syiǵa tartatynyn aitqan edi. Al kásipkerdiń jubaiy, tanymal prodiýsser Baian Alagózova óziniń áleýmettik jelidegi paraqshasynda ol kólikterdi kórsetken bolatyn. Beinejazbaǵa qaraǵanda oiynshylarǵa tartý etilýi múmkin avtokólikter Hyundai Sonata markasyndaǵy kólikter.
Aita keteiik, "Qairat" jáne "Real Madrid" fýtbol komandalary arasyndaǵy oiyn búgin, iaǵni 30 qyrkúiekte Almatynyń Ortalyq stadionynda saǵat keshki 21:45-te ótedi.
Oqi otyryńyz: «Qairat» pen «Real» fýtbol matchy qarsańynda Almatyda birneshe kóshe jabylady
