كوللاج سپورت شريودينگەرا سايتىنان الىندى
ەلەۋمەتتٸك جەلٸدە قازاقستاندىق "قايرات" كومانداسىنىڭ جانكٷيەرلەرٸ بٷگٸن, 30 قىركٷيەكتە ٶتەتٸن "قايرات" جەنە "رەال مادريد" فۋتبول كوماندالارى اراسىنداعى كەزدەسۋدە "قايرات" جەڭەتٸن بولسا تٷرلٸ سىيلىقتار تاراتاتىندارىن ايتىپ جاتىر. بۇل تۋرالى Ult.kz حابارلايدى.
سولاردىڭ بٸر توبى ruslan_kuliman پاراقشاسىنا جازعان. ولاردىڭ اراسىندا اقشالاي سىيلىقتان باستاپ, ۇيالى تەلەفون, ازىق-تٷلٸك, كيٸم-كەشەك, كٸتاپ جەنە باسقا دا سىيلىقتار تاراتاتىندار بار ەكەن.
مەرت جانداردىڭ اراسىندا "قايرات" جەڭسە, 1 ادامعا 1 ايعا جەتەتٸن ازىق-تٷلٸك ەپەرەمٸن", "قولدىڭ شۇجىعىن سىيلايمىن", "بەلٸش پٸسٸرٸپ بەرەمٸن", "شاي سىيلايمىن" - دەپ جاتقاندار بار.
سونىمەن قاتار ولاردىڭ ٸشٸندە جانكٷيەرلەردٸ ٸرٸ سىيلىقپەن قۋانتقىسى كەلگەندەر دە تابىلدى. جەلٸ قولدانۋشىلاردىڭ بٸرٸ: "كورەيادان بٸر اۆتوكٶلٸك جٸبەرەمٸن", - دەسە, تاعى بٸرٸ: "اللا قالاسا قايرات جەڭسە وسى جەردە وتىرعان 4 قىز كەلٸنشەكتەرگە بريلليانت جەمچۋگ نابورىن سىيلايمىن. سٶز بەرەمٸن", - دەپ ۋەدە ەتتٸ.
جانكٷيەرلەردٸڭ اراسىندا ٶزٸنە ۋەدە بەرٸپ جاتقاندار دا بولدى. مىسالى جەلٸ قولدانۋشىلاردىڭ بٸرٸ بٷگٸنگٸ ماتچتا "قايرات" جەڭٸسكە جەتسە ٶز نەسيەسٸن مەرزٸمٸنەن بۇرىن جابامىن دەپ وتىر. تاعى بٸرٸ بٸر تەۋلٸكتە 100 مىڭ قادام جاساۋعا, ەندٸ بٸرٸ جٷگٸرۋدٸ باستاۋعا بەكٸنگەن, ال اي-كٷنٸ جاقىنداعان ەيەل بوسانۋدى نيەت ەتكەن, سونداي-اق تٸپتٸ تۇرمىسقا شىعۋعا دا سٶز بەرگەندەر بار ەكەن.
ولاردىڭ اراسىندا اتپەن سەرۋەندەۋگە, 10 ادامعا قوناقٷيدە دەمالۋعا, 10 ادامعا سپا سالونعا, مونشاعا سەرتيفيكات سىيلاعىسى كەلەتٸندەر دە بار.
تٸپتٸ كيٸم-كەشەك تە تەگٸن تاراتۋعا ۋەدە ەتكەندەر كەزدەستٸ.
ەسكە سالساق, "قايرات" فۋتبول كومانداسى الداعى ويىندا "رەال مادريدتٸ" جەڭەتٸن بولسا سىيلىق سىيلايمىن دەپ العاش مەلٸمدەگەن بەلگٸلٸ كەسٸپكەر تۇرسىن الاگٶزوۆ بولاتىن. ول "قايراتتىڭ" ەربٸر ويىنشىسىنا بٸر-بٸر اۆتوكٶلٸكتەن سىيعا تارتاتىنىن ايتقان ەدٸ. ال كەسٸپكەردٸڭ جۇبايى, تانىمال پروديۋسسەر بايان الاگٶزوۆا ٶزٸنٸڭ ەلەۋمەتتٸك جەلٸدەگٸ پاراقشاسىندا ول كٶلٸكتەردٸ كٶرسەتكەن بولاتىن. بەينەجازباعا قاراعاندا ويىنشىلارعا تارتۋ ەتٸلۋٸ مٷمكٸن اۆتوكٶلٸكتەر Hyundai Sonata ماركاسىنداعى كٶلٸكتەر.
ايتا كەتەيٸك, "قايرات" جەنە "رەال مادريد" فۋتبول كوماندالارى اراسىنداعى ويىن بٷگٸن, ياعني 30 قىركٷيەكتە الماتىنىڭ ورتالىق ستاديونىندا ساعات كەشكٸ 21:45-تە ٶتەدٸ.
وقي وتىرىڭىز: «قايرات» پەن «رەال» فۋتبول ماتچى قارساڭىندا الماتىدا بٸرنەشە كٶشە جابىلادى
