Eýroodaq Reseidiń energetikalyq taýarlaryna qosymsha sanktsiia salǵan soń beisenbide munai baǵasy taǵy da tómendedi, dep habarlaidy QazAqparat Investing.com saityna silteme jasap.
Batystyń Reseige qarsy buryn-sońdy bolmaǵan sanktsiialaryna bailanysty jahandyq energetikalyq daǵdarys qaýpi ulttyq qorlardan aldaǵy jarty jylda naryqqa shyǵarý josparlanǵan munai jetkizý kóleminiń kúrt ósýine qatysty alańdaýshylyq týǵyzdy.
Reseige qarsy sharalardyń qubylýy beisenbide munai baǵasynyń taǵy da tómendeýine ákelip soqtyrdy, sonyń saldarynan Brent álemdik etalony AQSh-tyń WTI markaly munaiyna qysqa ýaqytqa teńesip, baǵasy barreline 100 dollardan tómen boldy.
Shanhaida sońǵy eki jyldaǵy koronavirýstyq indet munaiǵa qysymdy kúsheitti, bul Qytaidyń ekinshi úlken qalasynda bir aptadan astam ýaqytqa sozylǵan karantinge ákeldi, bul ekinshi iri munai tutynýshy elde suranysqa qatysty alańdaýshylyq týdyrdy.
«EO jaqyn arada reseilik munaiǵa sanktsiia salatyn siiaqty emes, bul munaiǵa sońǵy eń joǵary deńgeige jetý úshin birneshe jańa katalizator qajet bolady degen sóz», - dep atap ótti OANDA onlain saýda platformasynyń sarapshysy Ed Moiia.
Onyń aitýynsha, shiki munai qorlaryn jappai shyǵarý jospary munai baǵasynyń qysqa merzimge tómendeýin qamtamasyz etedi.
2022 jyldyń 8 sáýirindegi jaǵdai boiynsha, Brent markaly munai 49 tsent nemese 0,5%-ǵa tómendep, barreline 100,58 dollardy quraǵan.
Ótken aptada Brent baǵasy 13%-ǵa tómendedi, bul 2020 jyldyń sáýirinen bergi eń joǵary aptalyq tómendeý bolǵan.
Ótken aptada WTI markaly munai baǵasy shamamen 13 paiyzǵa tómendep, 100 dollardan tómen túsken.
Atap óteiik, munai baǵasy Parijde ornalasqan Halyqaralyq energetikalyq agenttiktiń ashyq naryqqa 60 million barrel munai shyǵarý josparyn jariialaǵannan keiin úshinshi kún qatarynan tómendep keledi.
Alty aidyń ishinde naryqqa barlyǵy 240 million barrel qosylyp, nátijesinde bir kúnde 1,33 million barrel taza munai keledi.
Bul Saýd Arabiiasy baqylaityn jáne Resei basqaratyn OPEK+ aliansy aiasynda álemdik munai óndirýshiler jasap otyrǵan ai saiynǵy 400 000 barrel óndiris ósimin úsh eseden astam arttyrady.
