Brent markaly munaidyń sáýirdegi fiýchers baǵasy ICE London birjasynda barreline 64,02 dollarǵa deiin qymbattady, bul 2020 jyldyń qańtarynan beri tirkelgen eń joǵary baǵa, dep habarlaidy "Ult aqparat".
Londonnyń ICE birjasynda 2021 jyldyń sáýirinde Brent markaly munai fiýchersiniń quny jetkizýmen qosa 1,12%-ǵa – barreline 64,06 dollarǵa qymbattady.
WTI markaly munaidyń baǵasy búgingi saýda-sattyqta barreline 60,06 dollarǵa deiin kóterildi.
Bloomberg agenttiginiń treiderler men munai shyǵaratyn ónerkásip ókilderine silteme jasap habarlaýynsha, baǵanyń ósýine AQSh-ta qatty aiaz saldarynan óndirý kólemi tómendegeni sebep bolǵan. Olardyń málimetinshe, Qurama Shtattarda munai óndirý táýligine 3,5 mln barrelge azaiǵan. Bul jalpy kólemniń úshten bir bóligi.
