Ulttyq qaýipsizdik komiteti kokain kontrabandasynyń tranzittik arnasynyń jolyn kesti, dep habarlaidy "Ult aqparat" vedomstvonyń baspasóz qyzmetine silteme jasap.
UQK Almaty qalasy boiynsha departamenti shymkenttik áriptesterimen birge Braziliiadan BAÁ arqyly Qazaqstanǵa jáne odan ári Túrkiiaǵa kokain jetkizýdiń halyqaralyq arnasyn anyqtap, jolyn kesti.
«2019 jylǵy naýryzda UQK Almaty qalalyq departamenti jedel izdestirý barysynda Almaty áýejaiynda kontrabandalyq jolmen kokain ákeldi degen kúdikpen «Dýbai-Almaty» aviareisiniń jolaýshysy, QR azamaty M. Satybaldievti ustady. T ekserý kezinde qalalyq klinikalyq aýrýhananyń medqyzmetkerleri arnaiy protsedýra júrgizip, M. Satybaldievtiń asqazan-ishek joldarynan jalpy salmaǵy 460 gramm kokainy bar 42 kapsýla tabyldy. Jedel tergeý is-sharalarynyń nátijesinde oǵan týystyq qatysy bar L. Qurmanbaeva ustaldy. Ol kórsetilgen esirtki partiiasyn Braziliiadan QR-ǵa kontrabandalyq jolmen jetkizýdi uiymdastyrǵan, sondai-aq olardy Túrkiiaǵa tasymaldamaq bolǵan» delingen habarlamada.
Biylǵy maýsymda Almaty qalalyq mamandandyrylǵan aýdanaralyq qylmystyq ister boiynsha sotynyń úkimimen L. Qurmanbaeva men M. Satybaldiev QR QK 297-baby 3-bóligi jáne 286-baby 4-bóligi boiynsha kináli dep tanyldy. Olar qaýipsizdigi barynsha joǵary túzeý koloniiasynda 15,5 jyl jazasyn óteidi.
