Foto: First News Media
Braziliianyń Gramadý qalasynda shaǵyn ushaq apatqa ushyrady. Saldarynan borttaǵy 10 adamnyń barlyǵy qaza taýyp, onnan astam adam jaraqat aldy, dep habarlaidy Kazinform CNN-ge silteme jasap.
Ulttyq azamattyq qorǵanystyń málimetinshe, apat ushaq áýege kóterilgennen keiin birneshe minýt ótken soń bolǵan. Ushaq aldymen ǵimarattyń murjasyna, keiin úige, sońynda jihaz dúkenine soǵylǵan.
Riý-Grandi-dý-Sýl shtatynyń azamattyq qorǵanysynyń málimetinshe, kem degende 17 adam zardap shekken. Olardyń kópshiligi apattan shyqqan órt tútininen ýlanyp, aýrýhanaǵa jetkizildi.
Riý-Grande-dý-Sýl gýbernatory Edýardo Leiteniń habarlaýynsha, ushaq bortyndaǵy 10 adamnyń barlyǵy qaza tapqan. Memlekettik azamattyq qorǵanystyń málimetinshe, olardyń barlyǵy bir otbasynyń músheleri.
Bilik qaiǵyly oqiǵanyń sebebin anyqtaýdy jalǵastyryp jatyr. Braziliia prezidenti Lýis Inasiý Lýla da Silva qaza tapqandardyń otbasyna kóńil aitty.
– Zardap shekkender tez saýyǵyp ketedi dep úmittenemin. Áskeri-áýe kúshteri oqiǵanyń sebebin anyqtap jatyr. Al federaldy úkimet shtat pen jergilikti bilik organdaryna jaǵdaidy tezirek anyqtaý úshin kómektesýge daiyn, - dep jazdy ol X áleýmettik jelisinde.
Eske sala ketsek, tamyz aiynda Braziliianyń San-Paýlý qalasyna jaqyn jerde Voepass kompaniiasynyń jolaýshylar ushaǵy apatqa ushyrady. Kompaniianyń habarlaýynsha, ushaqta 61 adam bolǵan. Jolaýshylar men ekipaj músheleriniń eshqaisysy tiri qalmaǵan. Braziliia prezidenti Lýis Inasio Lýla da Silva qaiǵyly oqiǵa týraly jańalyq belgili bolǵan kezde ózi sóz sóilegen sharada bir minýt únsizdik jariialady. Keiin ol qaza tapqandar úshin elde úsh kún aza tutý kúnin jariialady.
.jpg)