Osydan eki kún buryn 5 kiik atqan brakonerlermen qaqtyǵysta aýyr jaraqat alǵan «Ohotzooprom» ÓB» RMQK inspektory E.Nurǵaliev qaza tapty. Bul týraly QR AShM resmi ókili Sáken Qalqamanov Feisbýktegi paraqshasynda jazdy, dep habarlaidy "Ult aqparat".
«Búgin tańerteń «Ohotzooprom» inspektory Erlan Nurǵaliev ómirden ozdy. Ol 13 qańtar kúni Qorǵaljyń dalasynda aiýandyq tanytqan 3 brakonermen aiqastan keiin ómiri úshin sońyna deiin kúresti. Qaza tapqan azamattyń otbasyna qaiǵyra kóńil aitamyn. Ol ómiriniń sońyna deiin Qazaq dalasynyń simvolyna ainalǵan kiikterdi qorǵaý jolyndaǵy boryshyn adal atqardy. Erlan Nurǵaliev syndy inspektorlardyń kúsh-jigeriniń arqasynda 2015 jyly jappai qyrylǵan kiik sany 215 myń basqa deiin kóbeidi», - dep jazdy Sáken Qalqamanov.
Buǵan deiin QR AShM resmi ókili Sáken Qalqamanov Qaraǵandy oblysynda brakonerlerdiń soqqysyna jyǵylǵan «Ohotzooprom» ÓB» RMQK inspektory E.Nurǵalievtiń jaǵdaiy óte aýyr ekendigin aitqan bolatyn.
Onyń janyn aman alyp qalý úshin Astana qalalyq №1 aýrýhanasynyń dárigerleri kúresken edi.
